ದುಬೈ ಅಂತಾರಾಷ್ಟ್ರೀಯ ಮೈದಾನದಲ್ಲಿ ನಡೆದ 2025ರ ಏಷ್ಯಾಕಪ್ನ 2ನೇ ಪಂದ್ಯದಲ್ಲಿ ಟಾಸ್ ಗೆದ್ದ ಭಾರತ ತಂಡ ಮೊದಲು ಬ್ಯಾಟಿಂಗ್ ಮಾಡಲು ನಿರ್ಧರಿಸಿತು. ಬ್ಯಾಟಿಂಗ್ಗೆ ಇಳಿದ ಯುಎಇ ತಂಡ ನಿರೇಕ್ಷೆಯಂತೆ ಭಾರತದ ಬೌಲಿಂಗ್ ದಾಳಿಯನ್ನ ಎದುರಿಸಲಾಗದೇ ತತ್ತರಿಸಿತು. ಆರಂಭಿಕರಾದ ಅಲಿಶಾನ್ ಶರಾಫು ಹಾಗೂ ನಾಯಕ ಮೊಹಮ್ಮದ್ ವಸೀಮ್ ಹೊರೆತುಪಡಿಸಿದರೆ ಉಳಿದ ಯಾವ ಬ್ಯಾಟರ್ ಕೂಡ ಎರಡಂಕಿ ಮೊತ್ತ ದಾಖಲಿಸಲು ವಿಫಲರಾದರು.
ಭಾರತದ ಪರ ಭಾರತದ ಪರ ಕುಲದೀಪ್ ಯಾದವ್ 2.1 ಓವರ್ ಬೌಲಿಂಗ್ ಮಾಡಿ 7ರನ್ ನೀಡಿ 4 ವಿಕೆಟ್ ಪಡೆದರೆ, ಶಿವಂ ದುಬೆ 2 ಓವರ್ಗಳಲ್ಲಿ 4 ರನ್ ನೀಡಿ 3 ವಿಕೆಟ್ ಪಡೆದರು. ಅಕ್ಷರ್ ಪಟೇಲ್ 13ಕ್ಕೆ1, ಬುಮ್ರಾ 19ಕ್ಕೆ1, ವರುಣ್ ಚಕ್ರವರ್ತಿ 4ಕ್ಕೆ 1 ವಿಕೆಟ್ ಪಡೆದು ಅತಿಥೇಯ ತಂಡವನ್ನ ಸಂಪೂರ್ಣ ಕಟ್ಟಿಹಾಕಿದರು.
58 ರನ್ಗಳ ಸಾಧಾರಣ ಗುರಿ ಬೆನ್ನಟ್ಟಿದ ಟೀಮ್ ಇಂಡಿಯಾ ಕೇವಲ 4.3 ಓವರ್ಗಳಲ್ಲಿ ಕೇವಲ 1 ವಿಕೆಟ್ ಕಳೆದುಕೊಂಡು ಗುರಿ ತಲುಪಿತು. ಅಭಿಷೇಕ್ ಶರ್ಮಾ 16 ಎಸೆತಗಳಲ್ಲಿ 3 ಸಿಕ್ಸರ್ ಹಾಗೂ 2 ಬೌಂಡರಿ ಸಹಿತ 30 ರನ್ಗಳಿಸಿದರೆ, ಶುಭ್ಮನ್ ಗಿಲ್ 9 ಎಸೆತಗಳಲ್ಲಿ 2 ಬೌಂಡರಿ, 1 ಸಿಕ್ಸರ್ ಸಹಿತ ಅಜೇಯ 20, ನಾಯಕ ಸೂರ್ಯಕುಮಾರ್ ಯಾದವ್ 2 ಎಸೆತಗಳಲ್ಲಿ ಅಜೇಯ 7 ರನ್ಗಳಿಸಿ ಪಂದ್ಯವನ್ನ ಮುಗಿಸಿದರು.
ಇಂಗ್ಲೆಂಡ್ vs ಒಮಾನ್ – 101 ಬಾಲ್‌ಗಳೊಂದಿಗೆ ಗೆಲುವು (ನಾಥ್ ಸೌಂಡ್, 2024)
ಭಾರತ vs ಯುಎಇ – 93 ಬಾಲ್‌ಗಳೊಂದಿಗೆ ಗೆಲುವು (ದುಬೈ, 2025)
ಶ್ರೀಲಂಕಾ vs ನೆದರ್‌ಲ್ಯಾಂಡ್ಸ್ – 90 ಬಾಲ್‌ಗಳೊಂದಿಗೆ ಗೆಲುವು (ಚಟ್ಟೋಗ್ರಾಮ್, 2014)
ಜಿಂಬಾಬ್ವೆ vs ಮೊಜಾಂಬಿಕ್ – 90 ಬಾಲ್‌ಗಳೊಂದಿಗೆ ಗೆಲುವು (ನೈರೋಬಿ, 2024)
ಭಾರತದ ಹಿಂದಿನ ದಾಖಲೆ: 81 ಬಾಲ್‌ಗಳೊಂದಿಗೆ ಗೆಲುವು vs ಸ್ಕಾಟ್‌ಲ್ಯಾಂಡ್ (ದುಬೈ, 2021)
ಯುನೈಟೆಡ್ ಅರಬ್ ಎಮಿರೇಟ್ಸ್ ಪ್ಲೇಯಿಂಗ್ XI: ಮುಹಮ್ಮದ್ ವಸೀಮ್ (ನಾಯಕ), ಮೊಹಮ್ಮದ್ ಜುಹೈಬ್ ಖಾನ್, ಆಸಿಫ್ ಖಾನ್, ಅಲಿಶನ್ ಶರಾಫು, ರಾಹುಲ್ ಚೋಪ್ರಾ (WK), ಧ್ರುವ ಪರಾಶರ್, ಹೈದರ್ ಅಲಿ, ಮುಹಮ್ಮದ್ ರೋಹಿದ್ ಖಾನ್, ಹರ್ಷಿತ್ ಕೌಶಿಕ್, ಜುನೈದ್ ಸಿದ್ದಿಕ್, ಸಿಮ್ರಂಜೀತ್ ಸಿಂಗ್ ಕಾಂಗ್
ಭಾರತ ಪ್ಲೇಯಿಂಗ್ XI: ಅಭಿಷೇಕ್ ಶರ್ಮಾ, ಶುಭಮನ್ ಗಿಲ್, ಸೂರ್ಯಕುಮಾರ್ ಯಾದವ್ (ನಾಯಕ), ತಿಲಕ್ ವರ್ಮಾ, ಸಂಜು ಸ್ಯಾಮ್ಸನ್ (ವಿಕೀ), ಶಿವಂ ದುಬೆ, ಹಾರ್ದಿಕ್ ಪಾಂಡ್ಯ, ಅಕ್ಷರ್ ಪಟೇಲ್, ಕುಲದೀಪ್ ಯಾದವ್, ವರುಣ್ ಚಕ್ರವರ್ತಿ, ಜಸ್ಪ್ರೀತ್ ಬುಮ್ರಾ
ಪಾಕ್ ವಿರುದ್ಧ ಮುಂದಿನ ಪಂದ್ಯ
ಏಷ್ಯಾಕಪ್ನ ಹೈ ವೋಲ್ಟೇಜ್ ಪಂದ್ಯ ಭಾನುವಾರ ದುಬೈ ಅಂತಾರಾಷ್ಟ್ರೀಯ ಮೈದಾನದಲ್ಲಿ ನಡೆಯಲಿದೆ. ಇದಾದ ನಂತರ ಸೆಪ್ಟೆಂಬರ್ 19ರಂದು ಒಮಾನ್ ವಿರುದ್ಧ ತನ್ನ ಕೊನೆಯ ಲೀಗ್ ಪಂದ್ಯವನ್ನಾಡಲಿದೆ.
September 10, 2025 10:02 PM IST