IND vs WI: ಸಿರಾಜ್-ಬುಮ್ರಾ ದಾಳಿಗೆ ಪತರಗುಟ್ಟಿದ ವೆಸ್ಟ್ ಇಂಡೀಸ್! ಎರಡನೇ ಸೆಷನ್​​ನಲ್ಲೇ ಸರ್ವಪತನಗೊಂಡ ಕೆರಿಬಿಯನ್ನರು | india’s Fast Attack Pays Off: West Indies Bundled Out for 162 | ಕ್ರೀಡೆ

ಟಾಸ್ ಗೆದ್ದು ಇನ್ನಿಂಗ್ಸ್ ಆರಂಭಿಸಿದ ವೆಸ್ಟ್ ಇಂಡೀಸ್​ಗೆ ಸಿರಾಜ್ ಮೊದಲ ಆಘಾತ ನೀಡಿದರು. ತೇಜ್​ನಾರಾಯಣ್​ ಚಂದ್ರಪಾಲ್ ಖಾತೆ ತೆರೆಯದೇ ಜುರೆಲ್​ಗೆ ಕ್ಯಾಚ್ ನೀಡಿ ನಿರ್ಗಮಿಸಿದರು. ಸಿರಾಜ್ ಬೆನ್ನಲ್ಳೇ ಬುಮ್ರಾ ವಿಂಡೀಸ್​ಗೆ 2ನೇ ಆಘಾತ ನೀಡಿದರು. 7ನೇ ಓವರ್​ನಲ್ಲಿ ಬುಮ್ರಾ 8 ರನ್​ಗಳಿಸಿದ್ದ ಕ್ಯಾಂಪ್​ಬೆಲ್​ ವಿಕೆಟ್ ಉಡಾಯಿಸಿದರು. ಮತ್ತೆ 10 ಮತ್ತು 12 ನೇ ಓವರ್‌ಗಳಲ್ಲಿ ಸಿರಾಜ್​ 2 ವಿಕೆಟ್ ಪಡೆದು ವಿಂಡೀಸ್​​ ಚೇತರಿಸಿಕೊಳ್ಳದಂತೆ ಮಾಡಿದರು. ಮೊದಲು ಬ್ರಾಂಡನ್ ಕಿಂಗ್ (13) ಅವರನ್ನು ಬೌಲ್ಡ್ ಮಾಡಿದ ಮಿಜಾಭಾಯ್, ನಂತರ ಅಲಿಕ್ ಅಥಾಂಜೆ 12ರನ್​ಗಳಿಸಿ ಕೆಎಲ್ ರಾಹುಲ್‌ಗೆ ಕ್ಯಾಚ್ ನೀಡಿದರು.

ನಂತರ ಬಂದ ವಿಕೆಟ್ ಕೀಪರ್ ಶಾಯ್ ಹೋಪ್ ಹಾಗೂ ನಾಯಕ ಚೇಸ್​ 5ನೇ ವಿಕೆಟ್​ ಜೊತೆಯಾಟದಲ್ಲಿ 48 ರನ್​ ಸೇರಿಸಿದರು. ಉತ್ತಮವಾಗಿ ಜೊತೆಯಾಟ ಕಟ್ಟುತ್ತಿದ್ದ ಈ ಜೋಡಿಯನ್ನ ಕುಲ್ದೀಪ್ ಬೇರ್ಪಡಿಸಿದರು. 26 ರನ್​ಗಳಿಸಿದ್ದ ಶಾಯ್ ಹೋಪರ್​ರನ್ನ ಏಷ್ಯಾಕಪ್ ಹೀರೋ ಕುಲ್ದೀಪ್ ಯಾದವ್​ ಬೌಲ್ಡ್ ಮಾಡಿದರು. 15 ರನ್​ಗಳ ಅಂತರದಲ್ಲಿ ನಾಯಕ ರೋಸ್ಟನ್ ಚೇಸ್ 43 ಎಸೆತಗಳಲ್ಲಿ 24 ರನ್​ಗಳಿಸಿ ಸಿರಾಜ್​ಗೆ 4ನೇ ಬಲಿಯಾದರು.

ಈ ಹಂತದಲ್ಲಿ ಒಂದಾದ ಜಸ್ಟಿನ್ ಗ್ರೀವ್ಸ್ ಹಾಗೂ ಖಾರಿ ಪಿಯರ್ 7ನೇ ವಿಕೆಟ್​ ಜೊತೆಯಾಟದಲ್ಲಿ39 ರನ್​ ಸೇರಿಸಿದರು. ಈ ಹಂತದಲ್ಲಿ ಬೌಲಿಂಗ್​​ಗೆ ಆಗಮಿಸಿದ ವಾಷಿಂಗ್ಟನ್ ಸುಂದರ್ 34 ಎಸೆತಗಳಲ್ಲಿ 11 ರನ್​ಗಳಿಸಿದ್ದ ಪಿಯರ್​ರನ್ನ ಎಲ್​ಬಿ ಬಲೆಗೆ ಬೀಳಿಸಿದರು. 48 ಎಸೆತಗಳಲ್ಲಿ 4 ಬೌಂಡರಿ ಸಹಿತ 32 ರನ್​ಗಳಿಸಿದ ತಂಡದ ಗರಿಷ್ಠ ಸ್ಕೋರರ್ ಆಗಿದ್ದ ಗ್ರೀವ್ಸ್ ಬುಮ್ರಾ ಬೌಲಿಂಗ್​​ನಲ್ಲಿ ಕ್ಲೀನ್ ಬೌಲ್ಡ್ ಆದರು. ಜೊಮೆಲ್ ವಾರಿಕನ್ 8 ರನ್, ಜಹಾನ್ ಲೇನ್ 1ನರ್ಗಳಿಗೆ ಸೀಮಿತವಾದರು.