India vs England: ಬಿಸಿಸಿಐ ಮನವಿಗೆ ಮಣಿಯದ ವಿರಾಟ್! ಅದೇ ಫೈನಲ್, ನೋ ಯೂ ಟರ್ನ್​ ಎಂದೇ ಬಿಟ್ರಂತೆ ಕೊಹ್ಲಿ | BCCI s Best Efforts Can t Change Virat Kohli s Mind on test Retirement

ಇಂಗ್ಲೆಂಡ್​ಗೆ ಅನಾನುಭವಿಗಳ ತಂಡ

ಈ ಸರಣಿಯೊಂದಿಗೆ ಟೀಮ್ ಇಂಡಿಯಾದ 2025-27ರ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಆರಂಭವಾಗಲಿದೆ. ವಿರಾಟ್ ನಿವೃತ್ತಿ ಘೋಷಿಸಿದರೆ, ಈ ಬಾರಿ ಇಂಗ್ಲೆಂಡ್‌ಗೆ ಹೋಗುವ ತಂಡವು ಅನುಭವವಿಗಳಿಲ್ಲದ ಯುವ ಆಟಗಾರರನ್ನು ಒಳಗೊಂಡಿರುವ ಸಾಧ್ಯತೆ ಇದೆ. ಏತನ್ಮಧ್ಯೆ, ಬಿಸಿಸಿಐ ಅವರ ಮನಸ್ಸನ್ನು ಬದಲಾಯಿಸಲು ಶ್ರಮಿಸುತ್ತಿದೆ. ಆದರೆ ಕೊಹ್ಲಿ ನಿವೃತ್ತಿಯತ್ತ ಹೆಜ್ಜೆ ಹಾಕುತ್ತಿರುವಂತೆ ಕಾಣುತ್ತಿದೆ. ವಿರಾಟ್ ತಮ್ಮ ಆರಂಭಿಕ ನಿರ್ಧಾರಕ್ಕೆ ಬದ್ಧರಾಗಿದ್ದಾರೆ ಎಂದು ಬಿಸಿಸಿಐ ಮೂಲಗಳು ತಿಳಿಸಿವೆ. ಕೊಹ್ಲಿ ವಾರಗಳ ಹಿಂದೆಯೇ ತಮ್ಮ ಟೆಸ್ಟ್ ನಿವೃತ್ತಿಯ ಬಗ್ಗೆ ಆಯ್ಕೆದಾರರಿಗೆ ತಿಳಿಸಿದ್ದರು.

ಲೆಜೆಂಡರಿ ಕ್ರಿಕೆಟಿಗರಿಂದಲೂ ಮನವಿ

ಕೊಹ್ಲಿ ಎರಡು ವಾರಗಳ ಹಿಂದೆಯೇ ಆಯ್ಕೆಗಾರರಿಗೆ ತಮ್ಮ ನಿರ್ಧಾರವನ್ನು ತಿಳಿಸಿದ್ದರು. ಜೂನ್ 20ರಿಂದ ಇಂಗ್ಲೆಂಡ್‌ನಲ್ಲಿ ಆರಂಭವಾಗಲಿರುವ ಐದು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ ಆಡುವಂತೆ ಬಿಸಿಸಿಐ ಮತ್ತು ಕ್ರಿಕೆಟ್​ ದಿಗ್ಗಜ ಬ್ರಿಯಾನ್ ಲಾರಾ ಸೇರಿದಂತೆ ಹಲವಾರು ಲೆಜೆಂಡರಿ ಕ್ರಿಕೆಟಿಗರ ನಿವೃತ್ತಿ ನಿರ್ಧಾರ ವಾಪಸ್ ತೆಗೆದುಕೊಳ್ಳುವಂತೆ ಕೊಹ್ಲಿ ಮನವಿ ಮಾಡಿದ್ದರು. ಆದರೆ 36 ವರ್ಷದ ಕೊಹ್ಲಿ ತಮ್ಮ ನಿರ್ಧಾರದಿಂದ ಹಿಂದೆ ಸರಿದಿಲ್ಲ. ಕೊಹ್ಲಿ ತಮ್ಮ ನಿರ್ಧಾರದಲ್ಲಿ ದೃಢವಾಗಿದ್ದಾರೆ. ಮುಂದಿನ ವಾರ ನಡೆಯಲಿರುವ ಆಯ್ಕೆ ಸಭೆಯ ಸಮೀಪದಲ್ಲಿ ಅಂತಿಮ ತೀರ್ಮಾನ ಕೈಗೊಳ್ಳಲಾಗುವುದು,” ಎಂದು ಬಿಸಿಸಿಐ ಮೂಲವೊಂದು ತಿಳಿಸಿದೆ ಎಂದು ಟೈಮ್ಸ್ ಆಫ್ ಇಂಡಿಯಾ ವರದಿ ಮಾಡಿದೆ.

ಕಳಪೆ ಫಾರ್ಮ್​​ನಲ್ಲಿ ವಿರಾಟ್

ಕೊಹ್ಲಿಯ ಈ ನಿರ್ಧಾರ ಆಶ್ಚರ್ಯಕರವಾದರೂ, ಅವರ ವೈಯಕ್ತಿಕ ಶೈಲಿಗೆ ತಕ್ಕಂತಿದೆ. ಅವರು ಎಂದಿಗೂ ಇತರರ ಮಾತಿಗೆ ಪ್ರಭಾವಿತರಾಗುವವರಲ್ಲ. 36ರ ಹರೆಯದಲ್ಲಿ, ಕೊಹ್ಲಿಯ ಕ್ರಿಕೆಟ್ ವೃತ್ತಿಜೀವನದ ಅಂತಿಮ ಘಟ್ಟದಲ್ಲಿದ್ದಾರೆ. 2014ರ ಆಸ್ಟ್ರೇಲಿಯಾ ಮತ್ತು 2018ರ ಇಂಗ್ಲೆಂಡ್ ಪ್ರವಾಸದಲ್ಲಿ ತೋರಿದ ಪ್ರದರ್ಶನ ಪ್ರಸ್ತುತ ಟೆಸ್ಟ್​ ಕ್ರಿಕೆಟ್‌ನಲ್ಲಿ ಮರೆಯಾಗಿವೆ. 2024/25ರ ಬಾರ್ಡರ್-ಗವಾಸ್ಕರ್ ಟ್ರೋಫಿಯ ಆಸ್ಟ್ರೇಲಿಯಾ ಪ್ರವಾಸದಲ್ಲಿ, ಪರ್ತ್‌ನಲ್ಲಿ ಶತಕದೊಂದಿಗೆ ಆರಂಭವಾದ ಅವರ ಫಾರ್ಮ್ ಕೊನೆಗೆ ಕುಸಿಯಿತು, ಆ ಸರಣಿಯನ್ನ ಭಾರತ 1-3ರಿಂದ ಸರಣಿ ಕಳೆದುಕೊಂಡಿತು.

ನನ್ನ ಆಟ ಮುಗಿದಿದೆ ಎಂದಿದ್ದ ಕೊಹ್ಲಿ

ಕೊಹ್ಲಿಯ ಆಫ್-ಸ್ಟಂಪ್‌ನ ಹೊರಗಿನ ದೌರ್ಬಲ್ಯವನ್ನು ಎದುರಾಳಿಗಳು ಸಂಪೂರ್ಣವಾಗಿ ಬಳಸಿಕೊಂಡಿದ್ದಾರೆ. ಸಿಡ್ನಿಯ ಟೆಸ್ಟ್‌ನ ಎರಡನೇ ಇನ್ನಿಂಗ್ಸ್‌ನಲ್ಲಿ ಸ್ಕಾಟ್ ಬೋಲಂಡ್‌ಗೆ ವಿಕೆಟ್ ಒಪ್ಪಿಸಿದಾಗ, ಕೊಹ್ಲಿ ಕೋಪದಿಂದ ತಮ್ಮ ಪ್ಯಾಡ್‌ಗೆ ಹೊಡೆದುಕೊಂಡು “ನಾನು ಆಟ ಮುಗಿದೆ” ಎಂದು ಆಸ್ಟ್ರೇಲಿಯಾ ಸರಣಿಯ ಸೋಲಿನ ಬಳಿಕ ಕೊಹ್ಲಿ ಹೇಳಿದ್ದರು ಎಂಬ ವರದಿಯಿದ್ದರೂ, ಯಾರೂ ಇದನ್ನು ಗಂಭೀರವಾಗಿ ಪರಿಗಣಿಸಿರಲಿಲ್ಲ. ಫೆಬ್ರವರಿಯಲ್ಲಿ ದೆಹಲಿಯ ಅರುಣ್ ಜೇಟ್ಲಿ ಕ್ರೀಡಾಂಗಣದಲ್ಲಿ ಹರಿಯಾಣ ವಿರುದ್ಧದ ರಣಜಿ ಪಂದ್ಯದಲ್ಲಿ ಆಡಿದ್ದು, ಅವರು ತಂಡದಿಂದ ದೂರವಾಗುವುದಿಲ್ಲ ಎಂಬ ನಂಬಿಕೆಯನ್ನು ಬಲಪಡಿಸಿತ್ತು. ಆದರೆ ಕೊಹ್ಲಿ ಎಲ್ಲರ ನಿರೀಕ್ಷೆಯನ್ನ ಹುಸಿಗೊಳಿಸಿದ್ದಾರೆ.

ವಿದಾಯದ ಪಂದ್ಯವಿಲ್ಲದೆ ನಿವೃತ್ತಿ

ಆದರೆ, ಕಾಲ ಯಾರಿಗೂ ಕಾಯುವುದಿಲ್ಲ. ಕೊಹ್ಲಿಯ ವಿಶಿಷ್ಟ ಆಟ, ಒಂದು ಕಾಲದಲ್ಲಿ ಅವರ ಶಕ್ತಿಯಾಗಿದ್ದವು, ಈಗ ಅವರನ್ನು ವಿಫಲಗೊಳಿಸುತ್ತಿವೆ. ಕೊಹ್ಲಿ ನಿವೃತ್ತಿಯ ಘೋಷಣೆಯು ಮುಂದಿನ ವಾರ ಬಿಸಿಸಿಐ ಇಂಗ್ಲೆಂಡ್ ಸರಣಿಗೆ ತಂಡವನ್ನು ಘೋಷಿಸುವಾಗ ಅಥವಾ ಹೊಸ ಟೆಸ್ಟ್ ನಾಯಕನನ್ನು ಆಯ್ಕೆ ಮಾಡುವಾಗ ಬರಬಹುದು. ಒಂದು ವೇಳೆ ಕೊಹ್ಲಿ ನಿಜವಾಗಿಯೂ ನಿವೃತ್ತಿಯಾದರೆ, ರಾಹುಲ್ ದ್ರಾವಿಡ್, ವಿವಿಎಸ್ ಲಕ್ಷ್ಮಣ್ ಮತ್ತು ವೀರೇಂದ್ರ ಸೆಹ್ವಾಗ್‌ರಂತೆ, ಅವರಿಗೆ ಭಾರತದಿಂದ ವಿದಾಯದ ಪಂದ್ಯ ಸಿಗದಿರಬಹುದು. ಇದು ಭಾರತೀಯ ಕ್ರಿಕೆಟ್‌ನ ಒಂದು ಯುಗದ ಅಂತ್ಯವನ್ನು ಸೂಚಿಸುತ್ತದೆ.