Last Updated:
ಆ್ಯಪಲ್ ಮಾರ್ಚ್ 4ರಂದು ವಿಶೇಷ ಕಾರ್ಯಕ್ರಮ ಆಯೋಜಿಸುತ್ತಿದೆ, ಇಲ್ಲಿ ಐಫೋನ್ 17e, ಹೊಸ ಮ್ಯಾಕ್ಗಳು, ಐಪ್ಯಾಡ್ಗಳು ಮತ್ತು ಇನ್ನಷ್ಟು ಹೆಚ್ಚಿನ ಮಾಹಿತಿಗಳನ್ನು ನೀಡಲಿದೆ ಎಂದು ನಿರೀಕ್ಷಿಸಲಾಗಿದೆ.
ಟೆಕ್ (Tech) ಲೋಕದ ದೈತ್ಯ ಸಂಸ್ಥೆಯಾದ ಆ್ಯಪಲ್ (Apple), ಮಾರ್ಚ್ (March) 4ರಂದು ವಿಶೇಷ ಕಾರ್ಯಕ್ರಮವೊಂದನ್ನು (Function) ಆಯೋಜಿಸಿದೆ. ಈ ಕಾರ್ಯಕ್ರಮದಲ್ಲಿ ಕಂಪನಿಯು ತನ್ನ ಬಹುನಿರೀಕ್ಷಿತ ಐಫೋನ್ 17e (IPhone 17e), ಹೊಸ ಮಾದರಿಯ ಮ್ಯಾಕ್ಬುಕ್ಗಳು (Mac Book) ಮತ್ತು ಐಪ್ಯಾಡ್ಗಳನ್ನು (Ipad) ಪರಿಚಯಿಸುವ ಸಾಧ್ಯತೆಯಿದೆ ಎಂದು ವರದಿಗಳು ತಿಳಿಸಿವೆ.
ಈ ಬಾರಿಯ ಕಾರ್ಯಕ್ರಮವು ಈ ಹಿಂದಿನ ಬೃಹತ್ ಆನ್ಲೈನ್ ಕಾರ್ಯಕ್ರಮಗಳಿಗಿಂತ ಭಿನ್ನವಾಗಿರಲಿದೆ. Special Apple Experience ಎಂಬ ಪರಿಕಲ್ಪನೆಯಡಿ ಈ ಕಾರ್ಯಕ್ರಮವನ್ನು ರೂಪಿಸುತ್ತಿದೆ. ಇದರರ್ಥ, ಕಂಪನಿಯು ನ್ಯೂಯಾರ್ಕ್ ನಗರ ಸೇರಿದಂತೆ ವಿಶ್ವದ ವಿವಿಧ ಭಾಗಗಳಲ್ಲಿ ಆಯ್ದ ಜನರಿಗೆ ಮಾತ್ರ ಈ ಹೊಸ ಸಾಧನಗಳನ್ನು ಪ್ರದರ್ಶಿಸಲಿದೆ. ಸಾಮಾನ್ಯ ಗ್ರಾಹಕರು ಮತ್ತು ತಂತ್ರಜ್ಞಾನ ಆಸಕ್ತರು ಪತ್ರಿಕಾ ಪ್ರಕಟಣೆ ಮೂಲಕ ಈ ಸಾಧನಗಳ ಸಂಪೂರ್ಣ ವಿವರಗಳನ್ನು ಪಡೆಯಬಹುದಾಗಿದೆ.
ಮೂಲಗಳ ಪ್ರಕಾರ, ಈ ಕಾರ್ಯಕ್ರಮದಲ್ಲಿ ಪ್ರಮುಖವಾಗಿ ಈ ಕೆಳಗಿನ ಉತ್ಪನ್ನಗಳು ಸದ್ದು ಮಾಡಲಿವೆ.
ಇದು ಬಜೆಟ್ ಪ್ರಿಯರಿಗಾಗಿ ಸಿದ್ಧಪಡಿಸಲಾದ ಹೊಸ ಮಾದರಿಯಾಗಿದ್ದು, ಐಫೋನ್ 16e ಮಾದರಿಯ ಯಶಸ್ಸಿನ ನಂತರ ಇದನ್ನು ಬಿಡುಗಡೆ ಮಾಡಲಾಗುತ್ತಿದೆ.
ಈ ಬಾರಿ ಮಾರುಕಟ್ಟೆಯಲ್ಲಿ ಹೆಚ್ಚು ಕುತೂಹಲ ಮೂಡಿಸಿರುವುದು ಆ್ಯಪಲ್ನ ಕಡಿಮೆ ಬೆಲೆಯ ಅಥವಾ ಎಂಟ್ರಿ-ಲೆವೆಲ್ ಮ್ಯಾಕ್ಬುಕ್. ಇದು ಲಕ್ಷಾಂತರ ಹೊಸ ಬಳಕೆದಾರರಿಗೆ macOS ಪ್ರಪಂಚಕ್ಕೆ ಪ್ರವೇಶಿಸಲು ಸಹಕಾರಿಯಾಗಲಿದೆ.
ಹೊಸ ಆಹ್ವಾನ ಪತ್ರಿಕೆಯಲ್ಲಿರುವ ಬಣ್ಣಗಳ ವಿನ್ಯಾಸವು ಐಪ್ಯಾಡ್ನ 12ನೇ ತಲೆಮಾರಿನ ರಿಫ್ರೆಶ್ ಆವೃತ್ತಿಯ ಬಿಡುಗಡೆಯ ಕಡೆಗೆ ಸುಳಿವು ನೀಡುತ್ತಿದೆ.
ಆ್ಯಪಲ್ ಈಗಾಗಲೇ ಭಾರತದಲ್ಲಿ ತನ್ನ ಐಫೋನ್ಗಳ ಮೂಲಕ ದೊಡ್ಡ ಮಾರುಕಟ್ಟೆಯನ್ನು ಸೃಷ್ಟಿಸಿದೆ. ಇದೀಗ ಕಡಿಮೆ ಬೆಲೆಯಲ್ಲಿ ಮ್ಯಾಕ್ಬುಕ್ ಬಿಡುಗಡೆಯಾದರೆ ಅದು ಭಾರತೀಯ ವಿದ್ಯಾರ್ಥಿಗಳು ಮತ್ತು ಸಣ್ಣ ಉದ್ಯಮಿಗಳಿಗೆ ವರದಾನವಾಗಲಿದೆ. ವರದಿಗಳ ಪ್ರಕಾರ, ಈ ಹೊಸ ಮ್ಯಾಕ್ಬುಕ್ ಭಾರತದಲ್ಲಿ ಸುಮಾರು 60,000 ರೂಪಾಯಿಗಳ ಆಸುಪಾಸಿನಲ್ಲಿ ($599) ಲಭ್ಯವಾಗುವ ಸಾಧ್ಯತೆಯಿದೆ. ಇದು ಸಾಧ್ಯವಾದರೆ, ಮ್ಯಾಕ್ಬುಕ್ ಮಾರುಕಟ್ಟೆಯಲ್ಲಿ ಆಪಲ್ ಹೊಸ ದಾಖಲೆ ಬರೆಯುವುದರಲ್ಲಿ ಸಂಶಯವಿಲ್ಲ.
ಇನ್ನು ಶಕ್ತಿಶಾಲಿ M5 ಪ್ರೊ ಮ್ಯಾಕ್ಬುಕ್ ಪ್ರೊ ಆವೃತ್ತಿಗಳ ಬಗ್ಗೆ ಹೆಚ್ಚಿನ ಸುಳಿವು ಸಿಕ್ಕಿಲ್ಲ. ಇವುಗಳು ಕೇವಲ ಹಾರ್ಡ್ವೇರ್ ಅಪ್ಗ್ರೇಡ್ಗಳಾಗಿದ್ದು, ಮುಂದಿನ ತಿಂಗಳಲ್ಲಿ ಅಧಿಕೃತವಾಗಿ ಪ್ರಕಟವಾಗುವ ನಿರೀಕ್ಷೆಯಿದೆ. ಮುಂದಿನ ತಿಂಗಳು ನಡೆಯಲಿರುವ ಈ ಕಾರ್ಯಕ್ರಮವು ಆ್ಯಪಲ್ ಪ್ರೇಮಿಗಳಲ್ಲಿ ಹೊಸ ಸಂಚಲನ ಮೂಡಿಸಿದೆ. ಆ್ಯಪಲ್ನ ಈ ವಿಶೇಷ ಕಾರ್ಯಕ್ರಮವು ಕೇವಲ ಹಾರ್ಡ್ವೇರ್ ಅಪ್ಗ್ರೇಡ್ಗಳಿಗೆ ಸೀಮಿತವಾಗದೆ, ಕಂಪನಿಯ ಪರಿಸರ ವ್ಯವಸ್ಥೆಯನ್ನು (Ecosystem) ವಿಸ್ತರಿಸುವ ಗುರಿ ಹೊಂದಿದೆ. ಹೊಸ ಐಫೋನ್ 17e ಮತ್ತು ಬಜೆಟ್ ಮ್ಯಾಕ್ಬುಕ್ ಮೂಲಕ ಮಧ್ಯಮ ವರ್ಗದ ಗ್ರಾಹಕರನ್ನು ಸೆಳೆಯಲು ಆಪಲ್ ತಂತ್ರ ರೂಪಿಸಿದೆ. ವಿಶೇಷವಾಗಿ ಐಪ್ಯಾಡ್ 12ನೇ ಜನರೇಷನ್ ಶಿಕ್ಷಣ ಕ್ಷೇತ್ರದಲ್ಲಿ ಹೊಸ ಕ್ರಾಂತಿ ಮಾಡುವ ನಿರೀಕ್ಷೆಯಿದೆ. ಈ ಸಾಧನಗಳು ಕೃತಕ ಬುದ್ಧಿಮತ್ತೆ (Apple Intelligence) ವೈಶಿಷ್ಟ್ಯಗಳೊಂದಿಗೆ ಬರಲಿದ್ದು, ಬಳಕೆದಾರರಿಗೆ ಅತ್ಯಾಧುನಿಕ ತಂತ್ರಜ್ಞಾನದ ಅನುಭವ ನೀಡಲಿವೆ.
Click here to add News18 as your preferred news source on Google. ನ್ಯೂಸ್ 18 ಕನ್ನಡ ಟೆಕ್ನಾಲಜಿ ವಿಭಾಗದಲ್ಲಿ ಸ್ಮಾರ್ಟ್ಫೋನ್ ಬಿಡುಗಡೆ ಮಾಹಿತಿ, ಮೊಬೈಲ್ ವಿಮರ್ಶೆಗಳು, ಗ್ಯಾಜೆಟ್ಗಳು, ತಂತ್ರಜ್ಞಾನ ಸಲಹೆಗಳು, ಇ-ಕಾಮರ್ಸ್ ಮಾರಾಟ, ಆನ್ಲೈನ್ ಶಾಪಿಂಗ್, ಅಪ್ಲಿಕೇಶನ್ಗಳು, ವಾಟ್ಸಾಪ್ ಅಪ್ಡೇಟ್ಸ್, ಎಲೆಕ್ಟ್ರಿಕ್ ವಾಹನಗಳಿಗೆ ಸಂಬಂಧಿಸಿದ ಸುದ್ದಿಗಳನ್ನು ಪಡೆಯಬಹುದಾಗಿದೆ. ಹೆಚ್ಚಿನ ಸುದ್ದಿಗಳಿಗಾಗಿ ನ್ಯೂಸ್ 18 ಕನ್ನಡ ಫಾಲೋ ಮಾಡಿ