IPLನಲ್ಲಿ ಸಖತ್ ಪರ್ಫಾಮೆನ್ಸ್ ಕೊಡೋಕೆ ರೆಡಿಯಾಗಿದ್ದಾರೆ ಶ್ರದ್ಧಾ ಕಪೂರ್, ವರುಣ್ ಧವನ್ | IPL 2025 Shraddha Varun Arijit Singh Perform at Grand Opening

ಬಾಲಿವುಡ್ ತಾರೆಯರಾದ ಶ್ರದ್ಧಾ ಕಪೂರ್ ಮತ್ತು ವರುಣ್ ಧವನ್ ತಮ್ಮ ಉತ್ಸಾಹಭರಿತ ಪ್ರದರ್ಶನದ ಮೂಲಕ ಪ್ರೇಕ್ಷಕರನ್ನು ರಂಜಿಸಲಿದ್ದಾರೆ.

‘ಸ್ತ್ರೀ 2’ ಚಿತ್ರದ ಯಶಸ್ಸಿನ ನಂತರ ಸಿಕ್ಕಾಪಟ್ಟೆ ಖ್ಯಾತಿ ಗಳಿಸಿದ ಶ್ರದ್ಧಾ ಕಪೂರ್ ಅವರ ಪ್ರದರ್ಶನ ಇದಾಗಿದ್ದು ಅವರೊಂದಿಗೆ ‘ಎಬಿಸಿಡಿ 2’ ಚಿತ್ರದ ಸಹನಟ ವರುಣ್ ಧವನ್ ಕೂಡ ಭಾಗಿಯಾಗಲಿದ್ದಾರೆ. ಈ ಸಮಾರಂಭವು ಭರ್ಜರಿಯಾಗಿ ಎಂಟರ್​ಟೈನ್​ಮೆಂಟ್, ಗ್ಲಾಮರ್ ಮತ್ತು ಉತ್ಸಾಹದ ಕಾರ್ಯಕ್ರಮವಾಗಿರಲಿದೆ.

ಜೊತೆಗೆ ಗಾಯಕ ಅರಿಜಿತ್ ಸಿಂಗ್ ಕೂಡ ತಮ್ಮ ಜನಪ್ರಿಯ ಹಾಡುಗಳನ್ನು ಹಾಡುವ ಮೂಲಕ ಈ ಸಮಾರಂಭಕ್ಕೆ ಮೆರುಗು ನೀಡಲಿದ್ದಾರೆ. ಅವರ ಅಭಿನಯವು ಈಡನ್ ಗಾರ್ಡನ್ಸ್‌ನಲ್ಲಿ ಉತ್ಸಾಹವನ್ನು ಇಮ್ಮಡಿಗೊಳಿಸಲಿದೆ.

ಶ್ರದ್ಧಾ-ವರುಣ್ ಧವನ್

ಮಾರ್ಚ್ 22 ರಂದು, ಕೋಲ್ಕತ್ತಾ ನೈಟ್ ರೈಡರ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ನಡುವಿನ ಪಂದ್ಯವು ಒಂದು ತಿಂಗಳ ಕಾಲ ನಡೆಯುವ ಕ್ರಿಕೆಟ್ ಆಚರಣೆಗೆ ನಾಂದಿ ಹಾಡಲಿದೆ. ತಾರೆಯರು, ಕ್ರಿಕೆಟ್ ಮತ್ತು ಮನರಂಜನೆಯ ಮಿಶ್ರಣದೊಂದಿಗೆ, ಐಪಿಎಲ್ ಯಾವಾಗಲೂ ಪ್ರೇಕ್ಷಕರಿಗೆ ಅದ್ಭುತ ಮನರಂಜನೆ ನೀಡುತ್ತದೆ.

ಈ ವರ್ಷದ ಉದ್ಘಾಟನೆಯು ಅದಕ್ಕೆ ಹೊರತಾಗಿಲ್ಲ. ಮೇ 25 ರಂದು ನಡೆಯಲಿರುವ ಅದ್ದೂರಿ ಅಂತಿಮ ಪಂದ್ಯದೊಂದಿಗೆ ಐಪಿಎಲ್ 2025 ಪಂದ್ಯಾವಳಿ ಕೊನೆಗೊಳ್ಳಲಿದೆ. ಪ್ರಪಂಚದಾದ್ಯಂತದ ತಂಡಗಳು ಸ್ಪರ್ಧಿಸುತ್ತಿರುವುದರಿಂದ, ಸ್ಪರ್ಧೆಯು ತೀವ್ರವಾಗಿರುತ್ತದೆ ಮತ್ತು ಅಭಿಮಾನಿಗಳು ಈಗಾಗಲೇ ಉತ್ಸುಕರಾಗಿದ್ದಾರೆ. ಸದ್ಯ ಕೋಲ್ಕತ್ತಾದ ಕಾರ್ಯಕ್ರಮದ ಮೇಲೆ ಎಲ್ಲರ ಕಣ್ಣುಗಳು ನೆಟ್ಟಿವೆ.

60 ಕೋಟಿ ರೂಪಾಯಿ ಮೌಲ್ಯದ ಮನೆಯಲ್ಲಿ ವಾಸಿಸುವ ಈ ನಟಿ ಬಳಿ 4 ಕೋಟಿ ಮೌಲ್ಯದ ಕಾರು ಕೂಡ ಇದೆ. ದುಬಾರಿ ಕಾರುಗಳಂದ್ರೆ ಈ ನಟಿಗೆ ಸಿಕ್ಕಾಪಟ್ಟೆ ಕ್ರೇಜ್ ಅಂತೆ. 37 ವರ್ಷದ ಈ ನಟಿ ಬಾಲಿವುಡ್ ನ ಸಮಾರಂಭಗಳಲ್ಲಿ ತನ್ನ ಲುಕ್ನಿಂದಲೇ ಸದ್ದು ಮಾಡ್ತಾರೆ. 60 ಕೋಟಿ ಬೆಲೆಬಾಳುವ ಮನೆ, 4 ಕೋಟಿ ರೂಪಾಯಿ ಮೌಲ್ಯದ ಕಾರು ಹೊಂದಿರುವ ಈ ನಟಿ ಬೇರೆ ಯಾರೂ ಅಲ್ಲ ಬಾಲಿವುಡ್ ಬ್ಯೂಟಿ ಶ್ರದ್ಧಾ ಕಪೂರ್.

ಇದನ್ನೂ ಓದಿ: Actress: ಕುರ್ತಾ ಹಾಕ್ಕೊಂಡಿದ್ದೆ, ಸ್ಕೂಲ್ ಹುಡುಗ ಅಲ್ಲಿ ಟಚ್ ಮಾಡಿದ! ಕರಾಳ ಅನುಭವ ಬಿಚ್ಚಿಟ್ಟ ನಟಿ

GQ ವೆಬ್ಸೈಟ್ ಪ್ರಕಾರ, ಶ್ರದ್ಧಾ ಕಪೂರ್ ಅವರ ನಿವ್ವಳ ಮೌಲ್ಯ 130 ಕೋಟಿ ಎನ್ನಲಾಗ್ತಿದೆ. ಬಾಲಿವುಡ್ ಸಿನಿಮಾ ಇಂಡಸ್ಟ್ರಿಯ ಬಹು ಬೇಡಿಕೆ ನಟಿಯಾಗಿರುವ ಶ್ರದ್ದಾ ಕಪೂರ್, ಚಿತ್ರವೊಂದಕ್ಕೆ ಸುಮಾರು 5 ಕೋಟಿ ರೂ ಸಂಭಾವನೆ ಪಡೆಯುತ್ತಾರೆ. ಜೊತೆಗೆ ಬ್ರ್ಯಾಂಡ್ ಪ್ರಚಾರಗಳು ಮತ್ತು ಜಾಹೀರಾತುಗಳಿಂದ ಕೋಟಿ ಕೋಟಿ ಹಣ ಗಳಿಸುತ್ತಿದ್ದಾರೆ ಎನ್ನಲಾಗ್ತಿದೆ.

ಇದನ್ನೂ ಓದಿ: AR Rahman: ಖ್ಯಾತ ಗಾಯಕ ರೆಹಮಾನ್​ಗೆ ದಿಢೀರ್ ಎದೆನೋವು! ಚೆನ್ನೈ ಆಸ್ಪತ್ರೆಗೆ ದಾಖಲು

ಮುಂಬೈನ ಜುಹುದಲ್ಲಿ ನಟಿ ಶ್ರದ್ಧಾ ಕಪೂರ್ ಬೀಚ್ ವ್ಯೂವ್ ಇರುವ ಬ್ಯೂಟಿಫುಲ್ ಬಂಗಲೆಯನ್ನು ಹೊಂದಿದ್ದಾರೆ. ನಟಿ ಶ್ರದ್ಧಾ ಸೋಶಿಯಲ್ ಮೀಡಿಯಾದಲ್ಲೂ ಆ್ಯಕ್ಟಿವ್ ಆಗಿದ್ದು, ಆಗಾಗ್ಗೆ ತಮ್ಮ ಮನೆಯ ಫೋಟೋವನ್ನ Instagram ನಲ್ಲಿ ಅಭಿಮಾನಿಗಳೊಂದಿಗೆ ಹಂಚಿಕೊಳ್ತಾರೆ. ಶ್ರದ್ಧಾ ಅವರ ಮನೆಯ ಒಳಾಂಗಣ ಕೂಡ ಅದ್ಬುತವಾಗಿದೆ.