IPL 2025: ಅಭಿಷೇಕ್, ಕ್ಲಾಸೆನ್ ಅಬ್ಬರಕ್ಕೆ ಲಖನೌ ಉಡೀಸ್! ಟೂರ್ನಿಯಿಂದ ಹೊರಬಿದ್ದ ಪಂತ್ ಪಡೆ | Abhishek Sharma and heinrich klaasen shines as Sunrisers Hyderabad beat Lucknow Super Giants by six wickets

206 ರನ್‌ಗಳ ಗುರಿಯನ್ನು ಬೆನ್ನಟ್ಟಿದ  ಹೈದರಾಬಾ್ ತಂಡ ಉತ್ತಮ ಆರಂಭ ಪಡೆದುಕೊಳ್ಳುವಲ್ಲಿ ವಿಫಲವಾಯಿತು. ಅಥರ್ವ ಥೈಡೆ ಕೇವಲ 13 ರನ್​ಗಳಿಸಿ 2ನೇ ಓವರ್​ನಲ್ಲೇ ವಿಕೆಟ್ ಒಪ್ಪಿಸಿದರು. ಅದರೆ ಅಭಿಷೇಕ್ ಶರ್ಮಾ ಕೇವಲ 20 ಎಸೆತಗಳನ್ನ ಎದುರಿಸಿದ ಅವರು 4 ಬೌಂಡರಿ, 6 ಸಿಕ್ಸರ್​ಗಳ ನೆರವಿನಿಂದ 59 ರನ್ ಗಳಿಸಿ ಪೆವಿಲಿಯನ್‌ಗೆ ಮರಳಿದರು. ಅಭಿಷೇಕ್ ಔಟಾಗುವ ಮುನ್ನ ಇಶಾನ್ ಕಿಶನ್​ ಜೊತೆಗೂಡಿ 35 ಎಸೆತಗಳಲ್ಲಿ 82 ರನ್​ಗಳ ಜೊತೆಯಾಟ ನೀಡಿದರು. ಇಶಾನ್ ಕಿಶನ್ 28 ಎಸೆತಗಳಲ್ಲಿ 3 ಬೌಂಡರಿ, 2 ಸಿಕ್ಸರ್​ಗಳ ಸಹಿತ 35 ರನ್ ಗಳಿಸಿ ಔಟಾದರು.

ಇವರಿಬ್ಬರ ನಂತರ ಬಂದ ಹೆನ್ರಿಚ್ ಕ್ಲಾಸೆನ್ ಹಾಗೂ ಕಮಿಂಡು ಮೆಂಡಿಸ್ 35 ಎಸೆತಗಳಲ್ಲಿ 55 ರನ್​ಗಳ ಜೊತೆಯಾಟ ನೀಡಿ ತಂಡವನ್ನ ಗೆಲುವಿನ ಸನಿಹಕ್ಕೆ ತಂದು ನಿಲ್ಲಿಸಿದರು. ಕ್ಲಾಸೆನ್ 28 ಎಸೆತಗಳಲ್ಲಿ 4 ಬೌಂಡರಿ, 1 ಸಿಕ್ಸರ್​ ಸಹಿತ 47 ರನ್​ಗಳಿಸಿದರು.  ಕಮಿಂಡು ಮೆಂಡಿಸ್ 21 ಎಸೆತಗಳಲ್ಲಿ 3 ಬೌಂಡರಿಗಳ ಸಹಿತ 32 ರನ್​ಗಳಿಸಿದರು. ನಿತೀಶ್ ಕುಮಾರ್ ರೆಡ್ಡಿ ಅಜೇಯ 5,  ಅನಿಕೇತ್ ವರ್ಮಾ ಅಜೇಯ 5 ರನ್​ಗಳಿಸಿ ತಂಡವನ್ನು ಗೆಲುವಿನ ಗಡಿ ದಾಟಿಸಿದ್ದಾರೆ.

ಮೊದಲು ಬ್ಯಾಟಿಂಗ್ ಮಾಡುವ ಮೂಲಕ ಲಕ್ನೋ ಸೂಪರ್ ಜೈಂಟ್ಸ್ ಉತ್ತಮ ಆರಂಭ ಪಡೆಯಿತು. ಮಿಚೆಲ್ ಮಾರ್ಷ್ 39 ಎಸೆತಗಳಲ್ಲಿ 65 ರನ್ ಗಳಿಸಿ ಔಟಾದರು. ಮಾರ್ಷ್ ಮತ್ತು ಮಾರ್ಕ್ರಾಮ್ ನಡುವೆ ಮೊದಲ ವಿಕೆಟ್‌ಗೆ 115 ರನ್‌ಗಳ ಪಾಲುದಾರಿಕೆ ಇತ್ತು. ನಾಯಕ ರಿಷಭ್ ಪಂತ್ 6 ಎಸೆತಗಳಲ್ಲಿ ಕೇವಲ 7 ರನ್ ಗಳಿಸಲಷ್ಟೇ ಶಕ್ತರಾದರು. ಐಡೆನ್ ಮಾರ್ಕ್ರಾಮ್ 38 ಎಸೆತಗಳಲ್ಲಿ 61 ರನ್ ಗಳಿಸಿ ಪೆವಿಲಿಯನ್‌ಗೆ ಮರಳಿದರು.   ನಿಕೋಲಸ್ ಪೂರನ್ ಅಂತಿಮ ಓವರ್‌ಗಳಲ್ಲಿ ಅಬ್ಬರಿಸಿ 26 ಎಸೆತಗಳಲ್ಲಿ 45 ರನ್ (6 ಬೌಂಡರಿ, 1 ಸಿಕ್ಸರ್) ಗಳಿಸುವ ಮೂಲಕ ತಂಡಕ್ಕೆ ಆವೇಗ ನೀಡಿದರು.