IPL 2025: ಚೆನ್ನೈ ಬೌಲರ್​ಗಳನ್ನ ಬೆಂಡೆತ್ತಿದ ನಿತೀಶ್ ರಾಣಾ ! ಸಿಎಸ್​ಕೆಗೆ ಗೆಲ್ಲಲು 183ರ ಸವಾಲಿನ ಗುರಿ ನೀಡಿದ ರಾಜಸ್ಥಾನ್ ರಾಯಲ್ಸ್ | Nitish Rana s 81-Run Masterclass Helps Rajasthan Royals Set 183 Run Target for CSK

ರಾಯಲ್ಸ್​ಗೆ ರಾಣಾ ಆಸರೆ

ಟಾಸ್ ಸೋತು ಬ್ಯಾಟಿಂಗ್ ಇಳಿದ ರಾಜಸ್ಥಾನ್ ರಾಯಲ್ಸ್ ಮೊದಲ ಓವರ್​​ನ 2ನೇ ಎರಡನೇ ಎಸೆತದಲ್ಲೇ ಯಶಸ್ವಿ ಜೈಸ್ವಾಲ್ (4) ವಿಕೆಟ್ ಕಳೆದುಕೊಂಡಿತು. ಆದರೆ 2ನೇ ವಿಕೆಟ್​​ಗೆ ಸಂಜು ಸ್ಯಾಮ್ಸನ್​ ಹಾಗೂ ನಿತೀಶ್ ರಾಣಾ ಕೇವಲ 42 ಎಸೆತಗಳಲ್ಲಿ 82 ರನ್​ಗಳ ಜೊತೆಯಾಟ ನೀಡಿದರು. ಪವರ್​ ಪ್ಲೇನಲ್ಲಿ ನಿತೀಶ್ ರಾಣಾ ಅಬ್ಬರಿಸಿದರು ಕೇವಲ 22 ಎಸೆತಗಳಲ್ಲಿ ಅರ್ಧಶತಕ ಸಿಡಿಸಿದರು. ಆದರೆ ಪವರ್​ ಪ್ಲೇ ನಂತರ ಅದೇ ಆವೇಗವನ್ನ ಮುಂದುವರಿಸಲು ವಿಫಲರಾದರು. ಇನ್ನು ಸಂಜು ಸ್ಯಾಮ್ಸನ್ ಇಂದೂ ಕೂಡ ರನ್​ಗಳಿಸಲು ವಿಫಲರಾದರು. 16 ಎಸೆತಗಳಲ್ಲಿ ಕೇವಲ 20 ರನ್​ಗಳಿಸಿ ಔಟ್ ಆದರು.

ಇದನ್ನೂ ಓದಿ: ಪಂದ್ಯದ ಗತಿಯನ್ನೇ ಬದಲಿಸಿತು ಆ ಒಂದು ಕ್ಯಾಚ್​! ತೆಲುಗು ನಾಡಲ್ಲೇ ಸನ್​ರೈಸರ್ಸ್ ಅಹಂ ಅಡಗಿಸಿದ ಡೆಲ್ಲಿ

ಮತ್ತೆ ಕೈಕೊಟ್ಟ ಮಧ್ಯಮ ಕ್ರಮಾಂಕ

ನಿತೀಶ್ ರಾಣಾ 36 ಎಸೆತಗಳಲ್ಲಿ 10 ಬೌಂಡರಿ, 5 ಸಿಕ್ಸರ್​ಗಳ ಸಹಿತ 81 ರನ್​ಗಳಿಸಿದರು. ಶತಕ ಸಿಡಿಸುವ ಅವಕಾಶ ಇತ್ತಾದರೂ ಅಶ್ವಿನ್ ಬೌಲಿಂಗ್​ನಲ್ಲಿ ಸ್ಟಂಪ್ ಔಟ್ ಆದರು. ರಾಣಾ ನಂತರ ಬಂದ ಮೂವರು ಅಲ್ಪಮೊತ್ತಕ್ಕೆ ವಿಕೆಟ್ ಒಪ್ಪಿಸಿದರು. ಧ್ರುವ್ ಜುರೆಲ್ 3, ವನಿಂದು ಹಸರಂಗ 4 ರನ್​ಗಳಿಸಿ ಔಟ್ ಆದರು. ಆದರೆ ಕೊನೆಯಲ್ಲಿ ಅಬ್ಬರಿಸಿದ ರಿಯಾನ್ ಪರಾಗ್ 28 ಎಸೆತಗಳಲ್ಲಿ ತಲಾ 2 ಬೌಂಡರಿ, 2 ಸಿಕ್ಸರ್ ಸಹಿತ 37 ಹಾಗೂ ಶಿಮ್ರೋನ್ ಹೆಟ್ಮಾಯರ್ 16 ಎಸೆತಗಳಲ್ಲಿ19  ರನ್​ಗಳಿಸಿ ಸವಾಲಿನ ಮೊತ್ತ ದಾಖಲಿಸಲು ನೆರವಾದರು. ಆರ್ಚರ್ 0,  ಇಂಪ್ಯಾಕ್ಟ್ ಸಬ್ ಕುಮಾರ್ ಕಾರ್ತಿಕೇಯಾ 1, ತೀಕ್ಷಣ 2, ತುಷಾರ್ ದೇಶಪಾಂಡೆ 1 ರನ್​ಗಳಿಸಿದರು.

ಕೊನೆಯಲ್ಲಿ ಮಿಂಚಿದ ಸಿಎಸ್​ಕೆ ಬೌಲರ್ 

ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಪರ ಸತತ 3ನೇ ಪಂದ್ಯದಲ್ಲೂ ಮಿಂಚಿದ  ನೂರ್ ಅಹ್ಮದ್ 28ಕ್ಕೆ2 ಪಡೆದರೆ, ಇವರಿಗೆ ಸಾಥ್ ನೀಡಿದ ಖಲೀಲ್ ಅಹ್ಮದ್​  38ಕ್ಕೆ2, ಪತೀರಣ 28ಕ್ಕೆ2 ವಿಕೆಟ್ ಪಡೆದು ಮಿಂಚಿದರು.  ರವೀಂದ್ರ ಜಡೇಜಾ ಹಾಗೂ ಅಶ್ವಿನ್ ತಲಾ 1 ವಿಕೆಟ್ ಪಡೆದರು. ಒಂದು ಹಂತದಲ್ಲಿ ರಾಜಸ್ಥಾನ್​ ರಾಯಲ್ಸ್ 200ರ ಗಡಿ ದಾಟಬಹುದು ಎನ್ನಲಾಗಿತ್ತು. ಆದರೆ ಕೊನೆಯ 6 ಓವರ್​ಗಳಲ್ಲಿ ಅದ್ಭುತ ಕಮ್​ಬ್ಯಾಕ್ ಮಾಡಿದ ಸಿಎಸ್​ಕೆ 182ಕ್ಕೆ ನಿಯಂತ್ರಿಸುವಲ್ಲಿ ಯಶಸ್ವಿಯಾದರು.

ಇದನ್ನೂ ಓದಿ: ಪಂದ್ಯದ ಗತಿಯನ್ನೇ ಬದಲಿಸಿತು ಆ ಒಂದು ಕ್ಯಾಚ್​! ತೆಲುಗು ನಾಡಲ್ಲೇ ಸನ್​ರೈಸರ್ಸ್ ಅಹಂ ಅಡಗಿಸಿದ ಡೆಲ್ಲಿ

ಎರಡೂ ತಂಡಗಳ ಪ್ಲೇಯಿಂಗ್ ಇಲೆವೆನ್

ಚೆನ್ನೈ ಸೂಪರ್ ಕಿಂಗ್ಸ್: ರಾಚಿನ್ ರವೀಂದ್ರ, ರಾಹುಲ್ ತ್ರಿಪಾಠಿ, ರಿತುರಾಜ್ ಗಾಯಕ್ವಾಡ್ (ನಾಯಕ), ವಿಜಯ್ ಶಂಕರ್, ರವೀಂದ್ರ ಜಡೇಜ, ಮಹೇಂದ್ರ ಸಿಂಗ್ ಧೋನಿ (ವಿಕೆಟ್ ಕೀಪರ್), ಜೇಮೀ ಓವರ್ಟನ್, ರವಿಚಂದ್ರನ್ ಅಶ್ವಿನ್, ನೂರ್ ಅಹ್ಮದ್, ಮಥಿಶಾ ಪತಿರಾನ, ಖಲೀಲ್ ಅಹ್ಮದ್.

ಇಂಪ್ಯಾಕ್ಟ್ ಸಬ್‌ಗಳು: ಶಿವಂ ದುಬೆ, ಮುಖೇಶ್ ಚೌಧರಿ, ಡೆವೊನ್ ಕಾನ್ವೇ, ಶೇಖ್ ರಶೀದ್, ಸ್ಯಾಮ್ ಕರನ್.

ರಾಜಸ್ಥಾನ ರಾಯಲ್ಸ್: ಯಶಸ್ವಿ ಜೈಸ್ವಾಲ್, ಸಂಜು ಸ್ಯಾಮ್ಸನ್, ನಿತೀಶ್ ರಾಣಾ, ರಿಯಾನ್ ಪರಾಗ್ (ನಾಯಕ), ಧ್ರುವ್ ಜುರೆಲ್ (ವಿಕೆಟ್ ಕೀಪರ್), ಶಿಮ್ರಾನ್ ಹೆಟ್ಮಾಯೆರ್, ವನಿಂದು ಹಸರಂಗ, ಜೋಫ್ರಾ ಆರ್ಚರ್, ಮಹೇಶ್ ತೀಕ್ಷ್ಣ, ಸಂದೀಪ್ ಶರ್ಮಾ, ತುಷಾರ್ ದೇಶಪಾಂಡೆ.

ಇಂಪ್ಯಾಕ್ಟ್ ಸಬ್: ಕುನಾಲ್ ಸಿಂಗ್ ರಾಥೋಡ್, ಶುಭಂ ದುಬೆ, ಫಜಲ್ಹಕ್ ಫಾರೂಕಿ, ಕುಮಾರ್ ಕಾರ್ತಿಕೇಯ, ಯುಧ್ವೀರ್ ಸಿಂಗ್.