Last Updated:
ಐಪಿಎಲ್ 2025ರಲ್ಲಿ ಲಕ್ನೋ ಸೂಪರ್ ಜೈಂಟ್ಸ್ ತಂಡದ ಕಳಪೆ ಪ್ರದರ್ಶನ ಮುಂದುವರಿದಿದೆ. ನಾಯಕ ರಿಷಭ್ ಪಂತ್ ತೀವ್ರ ಟೀಕೆ ಎದುರಿಸುತ್ತಿದ್ದಾರೆ. ದಿಗ್ವೇಶ್ ರಾಠಿ ವರ್ತನೆಯಿಂದ ಬಿಸಿಸಿಐ ದಂಡ ವಿಧಿಸಿದೆ.
ಐಪಿಎಲ್ 2025ರಲ್ಲಿ (IPL 2025) ಲಕ್ನೋ ಸೂಪರ್ ಜೈಂಟ್ಸ್ (LSG) ತಂಡದ ಕಳಪೆ ಪ್ರದರ್ಶನ ಮುಂದುವರಿದಿದೆ. ಮೊದಲ ಮೂರು ಪಂದ್ಯಗಳಲ್ಲಿ 2ರಲ್ಲಿ ಸೋಲು ಕಂಡಿದ್ದಕ್ಕೆ ತಂಡದ ನಾಯಕ ರಿಷಭ್ ಪಂತ್ (Rishabh Pant) ತೀವ್ರ ಟೀಕೆ ಎದುರಿಸುತ್ತಿದ್ದಾರೆ. ತಂಡದ ಮಾಲೀಕ ಸಂಜೀವ್ ಗೋಯೆಂಕಾ ಕೂಡ ಆಟಗಾರರ ಆಟಕ್ಕಾಗಿ ಟ್ರೋಲ್ ಆಗುತ್ತಿದ್ದಾರೆ. ಈ ಸೋಲುಗಳ ನಡುವೆ ಲಕ್ನೋ ತಂಡಕ್ಕೆ ಮತ್ತೊಂದು ಆಘಾತ ಎದುರಾಗಿದೆ. ತಂಡದ ಸ್ಪಿನ್ನರ್ ದಿಗ್ವೇಶ್ ರಾಠಿಯ (Digvijay Rathi) ವರ್ತನೆಯಿಂದ ಬಿಸಿಸಿಐ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.
ಕೆಸ್ರಿಕ್ ವಿಲಿಯಮ್ಸ್ ಶೈಲಿಯಲ್ಲಿ ಸಂಭ್ರಮ
ಪಂಜಾಬ್ ಕಿಂಗ್ಸ್ (PBKS) ವಿರುದ್ಧದ ಪಂದ್ಯದಲ್ಲಿ ಚೇಸಿಂಗ್ ವೇಳೆ ಮೂರನೇ ಓವರ್‌ನಲ್ಲಿ ದಿಗ್ವೇಶ್ ರಾಠಿ ಪಂಜಾಬ್ ಆರಂಭಿಕ ಆಟಗಾರ ಪ್ರಿಯಾಂಶ್ ಆರ್ಯರನ್ನು ಔಟ್ ಮಾಡಿದರು. ಔಟ್ ಮಾಡಿದ ಬಳಿಕ ದಿಗ್ವೇಶ್ ತಮ್ಮ ಸಂಭ್ರಮವನ್ನು ಕೆಸ್ರಿಕ್ ವಿಲಿಯಮ್ಸ್ ಶೈಲಿಯಲ್ಲಿ ಆಚರಿಸಿದರು. ಅವರು ಪ್ರಿಯಾಂಶ್ ಬಳಿಗೆ ಓಡಿ ಹೋಗಿ ತಮ್ಮ ಕೈಯಿಂದ ಸಹಿ ತೋರಿಸುವ ಗೀಳು ತೋರಿದರು. ಇದನ್ನು ಗಮನಿಸಿದ ಫೀಲ್ಡ್ ಅಂಪೈರ್ ದಿಗ್ವೇಶ್‌ಗೆ ಎಚ್ಚರಿಕೆ ನೀಡಿದರು. ಆದರೆ, ಈ ವರ್ತನೆ ಐಪಿಎಲ್ ನೀತಿ ಸಂಹಿತೆ ಉಲ್ಲಂಘನೆ ಎಂದು ಪರಿಗಣಿಸಲಾಯಿತು.
ಇದನ್ನೂ ಓದಿ: ಈ ತಪ್ಪಿನಿಂದ ಪಂಜಾಬ್ ವಿರುದ್ಧ ತವರಲ್ಲೇ ಮಣ್ಣುಮುಕ್ಕಿದ ಲಕ್ನೋ! ಮ್ಯಾಚ್ ಟರ್ನಿಂಗ್ ಪಾಯಿಂಟ್ ಇದೆ
ಶೇ. 25ರಷ್ಟು ದಂಡ
ಐಪಿಎಲ್ ಸಂಘಟಕರು ದಿಗ್ವೇಶ್ ರಾಠಿಗೆ ಪಂದ್ಯ ಶುಲ್ಕದ 25% ದಂಡ ವಿಧಿಸಿದ್ದಾರೆ. ಐಸಿಸಿ ನೀತಿ ಸಂಹಿತೆಯ ಆರ್ಟಿಕಲ್ 2.5ರ ಅಡಿ ಇದು ಲೆವೆಲ್ 1 ಅಪರಾಧ ಎಂದು ಗುರುತಿಸಲಾಗಿದೆ. ದಿಗ್ವೇಶ್ ತಮ್ಮ ತಪ್ಪನ್ನು ಒಪ್ಪಿಕೊಂಡಿದ್ದಾರೆ. ಜೊತೆಗೆ, ಅವರಿಗೆ ಡಿಮೆರಿಟ್ ಪಾಯಿಂಟ್ ಕೂಡ ವಿಧಿಸಲಾಗಿದೆ. “ದಿಗ್ವೇಶ್ ಆರ್ಟಿಕಲ್ 2.5 ಉಲ್ಲಂಘಿಸಿದ್ದಾರೆ. ಅವರು ತಪ್ಪು ಒಪ್ಪಿಕೊಂಡಿದ್ದಾರೆ. ಈ ನೀತಿ ಸಂಹಿತೆ ಭಂಗಕ್ಕಾಗಿ ದಂಡ ವಿಧಿಸಲಾಗಿದೆ. ಮ್ಯಾಚ್ ರೆಫರಿಯ ನಿರ್ಧಾರ ಅಂತಿಮವಾಗಿದೆ,” ಎಂದು ಬಿಸಿಸಿಐ ಹೇಳಿದೆ.
ಒಂದೇ ತಂಡದಲ್ಲಿ ಆಡುವ ರಾಠಿ, ಆರ್ಯ
ಗಮನಾರ್ಹವಾಗಿ, ದಿಗ್ವೇಶ್ ರಾಠಿ ಮತ್ತು ಪ್ರಿಯಾಂಶ್ ಆರ್ಯ ಕಳೆದ ಋತುವಿನಲ್ಲಿ ದೆಹಲಿ ಪ್ರೀಮಿಯರ್ ಲೀಗ್‌ನಲ್ಲಿ ಒಂದೇ ತಂಡದಲ್ಲಿ ಆಡಿದ್ದರು. ಇಬ್ಬರೂ ಒಳ್ಳೆಯ ಸ್ನೇಹಿತರಾಗಿದ್ದರು. ಆದರೆ, ಮೈದಾನದಲ್ಲಿ ಸ್ನೇಹ ಮರೆತು ದಿಗ್ವೇಶ್ ತೋರಿದ ವರ್ತನೆ ತಂಡಕ್ಕೆ ದಂಡ ತಂದಿತು. ಈ ಘಟನೆ ಲಕ್ನೋ ತಂಡದ ಆಗಿರುವ ಕಷ್ಟವನ್ನು ಇನ್ನಷ್ಟು ಹೆಚ್ಚಿಸಿದೆ.
ಲಕ್ನೋ ತಂಡ ಈ ಋತುವಿನಲ್ಲಿ ಒಂದೇ ಒಂದು ಗೆಲುವು ಪಡೆಯದೇ ಸೋಲುತ್ತಿದೆ. ರಿಷಭ್ ಪಂತ್ ನಾಯಕತ್ವದಲ್ಲಿ ತಂಡ ಒಗ್ಗಟ್ಟಾಗಿ ಆಡುತ್ತಿಲ್ಲ ಎಂಬ ಆರೋಪವೂ ಇದೆ. ಈ ಸೋಲುಗಳು ಮತ್ತು ದಿಗ್ವೇಶ್‌ರ ದಂಡದಿಂದ ತಂಡದ ಮನೋಬಲ ಇನ್ನಷ್ಟು ಕುಗ್ಗಿದೆ. ಮುಂದಿನ ಪಂದ್ಯಗಳಲ್ಲಿ ತಂಡ ಗೆಲುವಿನ ದಾರಿ ಹಿಡಿಯಬೇಕಿದೆ.
ಇದನ್ನೂ ಓದಿ: ಈ ತಪ್ಪಿನಿಂದ ಪಂಜಾಬ್ ವಿರುದ್ಧ ತವರಲ್ಲೇ ಮಣ್ಣುಮುಕ್ಕಿದ ಲಕ್ನೋ! ಮ್ಯಾಚ್ ಟರ್ನಿಂಗ್ ಪಾಯಿಂಟ್ ಇದೆ
ಪಂದ್ಯದ ಬಗ್ಗೆ ಮಾಹಿತಿ
ಮಂಗಳವಾರ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಲಕ್ನೋ ಸೂಪರ್ ಜೈಂಟ್ಸ್ 7 ವಿಕೆಟ್ ಕಳೆದುಕೊಂಡು 171 ರನ್ಗಳಿಸಿತ್ತು. ಪೂರನ್ 44, ಬದೋನಿ 41 ರನ್ಗಳಿಸಿದ್ದರು. 172 ರನ್ಗಳ ಗುರಿಯನ್ನ ಪಂಜಾಬ್ ಕಿಂಗ್ಸ್ 16.1 ಓವರ್ಗಳಲ್ಲಿ ಕೇವಲ 2 ವಿಕೆಟ್ ಕಳೆದುಕೊಂಡುತ ತಲುಪಿತು. ಪ್ರಭಸಿಮ್ರನ್ ಸಿಂಗ್ 69, ನಾಯಕ ಶ್ರೇಯಸ್ ಅಯ್ಯರ್ ಅಜೇಯ 52 ಹಾಗೂ ನೆಹಾಲ್ ವಧೇರಾ ಅಜೇಯ 43 ರನ್ಗಳಿಸಿ ತಂಡವನ್ನ ಗೆಲುವಿನ ಗಡಿ ದಾಟಿಸಿದರು.
April 02, 2025 4:11 PM IST
