ಮೇ 24, 2025ರಂದು ಶಿಮ್‌ಕೆಂಟ್‌ನಲ್ಲಿ ನಡೆದ ಜೂನಿಯರ್ ಡೇವಿಸ್ ಕಪ್‌ನ 11ನೇ ಸ್ಥಾನಕ್ಕಾಗಿ ಭಾರತ ಮತ್ತು ಪಾಕಿಸ್ತಾನದ ನಡುವಿನ ಪ್ಲೇ-ಆಫ್ ಪಂದ್ಯದಲ್ಲಿ ಭಾರತದ ಆಟಗಾರರಾದ ಪ್ರಕಾಶ್ ಸರನ್ ಮತ್ತು ತವಿಶ್ ಪಹ್ವಾ ಅತ್ಯುತ್ತಮ ಪ್ರದರ್ಶನ ನೀಡಿದರು. ಮೊದಲ ಸಿಂಗಲ್ಸ್ ಪಂದ್ಯದಲ್ಲಿ ಪ್ರಕಾಶ್ ಸರನ್ ಪಾಕಿಸ್ತಾನದ ಅಬು ಬಕರ್ ತಲ್ಹಾರನ್ನು 6-7(2), 6-3, [10-4] ಅಂತರದಿಂದ ಸೋಲಿಸಿದರು. ಎರಡನೇ ಸಿಂಗಲ್ಸ್ ಪಂದ್ಯದಲ್ಲಿ ತವಿಶ್ ಪಹ್ವಾ ಪಾಕಿಸ್ತಾನದ ಮಿಕಾಯೀಲ್ ಅಲಿ ಬೇಗ್‌ರನ್ನು 4-6, 6-2, [12-10] ಅಂತರದಿಂದ ಸೋಲಿಸಿ, ಭಾರತಕ್ಕೆ 2-0 ಗೆಲುವನ್ನು ಖಚಿತಪಡಿಸಿದರು. ಈ ಗೆಲುವಿನೊಂದಿಗೆ ಭಾರತವು ಟೂರ್ನಮೆಂಟ್‌ನಲ್ಲಿ 11ನೇ ಸ್ಥಾನವನ್ನು ಗಳಿಸಿತು. ಈ ಪಂದ್ಯಕ್ಕೂ ಮೊದಲು, ಭಾರತವು 9-12ನೇ ಸ್ಥಾನಕ್ಕಾಗಿ ನ್ಯೂಜಿಲೆಂಡ್ ವಿರುದ್ಧ 1-2 ಅಂತರದಿಂದ ಸೋತಿತ್ತು, ಇದರಲ್ಲಿ ಡಬಲ್ಸ್‌ನ ಸೂಪರ್ ಟೈ-ಬ್ರೇಕ್‌ನಲ್ಲಿ 9-11 ಸ್ಕೋರ್‌ನೊಂದಿಗೆ ಸೋಲು ಕಂಡಿತ್ತು.
ವಿವಾದಾತ್ಮಕ ಘಟನೆ
ಪಂದ್ಯದ ನಂತರ, ಪಾಕಿಸ್ತಾನದ ಆಟಗಾರ ಮಿಕಾಯೀಲ್ ಅಲಿ ಬೇಗ್, ಭಾರತದ ತವಿಶ್ ಪಹ್ವಾ ಜೊತೆಗಿನ ಕೈಕುಲುಕುವಿಕೆಯ ಸಂದರ್ಭದಲ್ಲಿ ಅಸಭ್ಯವಾಗಿ ವರ್ತಿಸಿದ್ದಾನೆ ಎಂದು ಆರೋಪಿಸಲಾಗಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆದ ವಿಡಿಯೋದಲ್ಲಿ, ಮಿಕಾಯೀಲ್ ತವಿಶ್‌ರ ಕೈಯನ್ನು ಒಡ್ಡಿದಾಗ ಮೊದಲಿಗೆ ಕೈಗೆ ತಾಗದಂತೆ ಆಕ್ರಮಣಕಾರಿಯಾಗಿ ಹೊಡೆಯುವಂತೆ ಕೈ ಬೀಸಿದ್ದಾನೆ. ಎರಡನೇ ಪ್ರಯತ್ನದಲ್ಲಿ ಕೈಗೆ ತಾಗಿದರೂ, ತಕ್ಷಣವೇ ಕೈಯನ್ನು ತಿರಸ್ಕಾರದಿಂದ ಹಿಂದಕ್ಕೆ ಎಳೆದುಕೊಂಡಿದ್ದಾನೆ, ಇದು ಕ್ರೀಡಾಮನೋಭಾವಕ್ಕೆ ವಿರುದ್ಧವಾದ ವರ್ತನೆಯಾಗಿದೆ. ತವಿಶ್ ಪಹ್ವಾ ಈ ಸಂದರ್ಭದಲ್ಲಿ ತನ್ನ ಶಾಂತಿಯನ್ನು ಕಾಪಾಡಿಕೊಂಡು, ತನ್ನ ವಯಸ್ಸಿಗಿಂತ ಹೆಚ್ಚಿನ ಪರಿಪಕ್ವತೆಯನ್ನು ಪ್ರದರ್ಶಿಸಿದ್ದಾರೆ. ಇದಕ್ಕಾಗಿ ಅವನನ್ನು ಎಕ್ಸ್‌ನಲ್ಲಿ ಶ್ಲಾಘಿಸಿದ್ದಾರೆ.
ಅಭಿಮಾನಿಗಳ ಪ್ರತಿಕ್ರಿಯೆ
ಮೇ 27, 2025 ರಂದು ಈ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣ ಎಕ್ಸ್‌ನಲ್ಲಿ ವೈರಲ್ ಆಗಿದ್ದು, ಭಾರತೀಯ ಕ್ರೀಡಾಭಿಮಾನಿಗಳು ತೀವ್ರವಾಗಿ ಪ್ರತಿಕ್ರಿಯಿಸಿದ್ದಾರೆ. “ಪಾಕಿಸ್ತಾನಿ ಆಟಗಾರನ ಈ ವರ್ತನೆ ಕ್ರೀಡಾಮನೋಭಾವಕ್ಕೆ ವಿರುದ್ಧವಾಗಿದೆ” ಎಂದು ಎಕ್ ಬಳಕೆದಾರರೊಬ್ಬ ಪೋಸ್ಟ್‌ನಲ್ಲಿ ಟೀಕಿಸಲಾಗಿದೆ. “ಈ ರೀತಿಯ ನಡವಳಿಕೆಗೆ ಆಟಗಾರನಿಗೆ ದಂಡ ಅಥವಾ ನಿಷೇಧ ವಿಧಿಸಬೇಕು” ಎಂದು ಕೆಲವು ಬಳಕೆದಾರರು ಒತ್ತಾಯಿಸಿದ್ದಾರೆ. “ಪಾಕಿಸ್ತಾನದೊಂದಿಗೆ ಯಾವುದೇ ಕ್ರೀಡಾ ಸಂಬಂಧ ಇರಬಾರದು” ಎಂದು ಕೆಲವರು ಪ್ರಧಾನಮಂತ್ರಿ ನರೇಂದ್ರ ಮೋದಿಯವರಿಗೆ ಒತ್ತಾಯಿಸಿದ್ದಾರೆ.
🇮🇳 India – 🇵🇰 Pakistan Handshake Drama at the Junior Davis Cup in Kazakhstan
India beat Pakistan 2-0 pic.twitter.com/mI85JBETCo
— Indian Tennis Daily (ITD) (@IndTennisDaily) May 27, 2025
ಈ ಘಟನೆಯು ಭಾರತ-ಪಾಕಿಸ್ತಾನದ ನಡುವಿನ ಇತ್ತೀಚಿನ ರಾಜಕೀಯ ಒತ್ತಡಗಳ ಹಿನ್ನೆಲೆಯಲ್ಲಿ ಸಂಭವಿಸಿದೆ. ಏಪ್ರಿಲ್ 22, 2025 ರಂದು ಜಮ್ಮು ಮತ್ತು ಕಾಶ್ಮೀರದ ಪಹಲ್ಗಾಮ್‌ನಲ್ಲಿ ನಡೆದ ಭಯೋತ್ಪಾದಕ ದಾಳಿಯಲ್ಲಿ 26 ಜನರು, ಹೆಚ್ಚಿನವರು ಪ್ರವಾಸಿಗರು, ಮೃತಪಟ್ಟಿದ್ದರು. ಇದಕ್ಕೆ ಪ್ರತಿಕಾರವಾಗಿ, ಭಾರತವು ಮೇ 7, 2025 ರಂದು ‘ಆಪರೇಷನ್ ಸಿಂದೂರ್’ ಕಾರ್ಯಾಚರಣೆಯನ್ನು ಪ್ರಾರಂಭಿಸಿತು, ಪಾಕಿಸ್ತಾನದ ಒಂಬತ್ತು ಭಯೋತ್ಪಾದಕ ಶಿಬಿರಗಳನ್ನು ಗುರಿಯಾಗಿಸಿತು. ಈ ಕಾರ್ಯಾಚರಣೆಯು ಡ್ರೋನ್ ದಾಳಿಗಳು, ಕ್ಷಿಪಣಿ ಹೊಡೆತಗಳು ಮತ್ತು ಗಡಿರೇಖೆಯ ಶೆಲ್‌ಬಾಂಬ್‌ಗಳನ್ನು ಒಳಗೊಂಡಿತ್ತು. ಮೇ 10 ರಂದು ಉಭಯ ದೇಶಗಳು ಶಾಂತಿಒಪ್ಪಂದಕ್ಕೆ ಸಹಿ ಹಾಕಿದವು, ಆದರೆ ಈ ಘಟನೆಯಿಂದ ಉಂಟಾದ ಒತ್ತಡವು ಕ್ರೀಡಾ ಕ್ಷೇತ್ರದಲ್ಲಿಯೂ ಪ್ರತಿಧ್ವನಿಸಿತು. ಈ ಒತ್ತಡದಿಂದ ಐಪಿಎಲ್ 2025 ಒಂದು ವಾರದವರೆಗೆ ಸ್ಥಗಿತಗೊಂಡಿತ್ತು, ಮತ್ತು ಪಾಕಿಸ್ತಾನ ಕ್ರಿಕೆಟ್ ಬೋರ್ಡ್ ಕೂಡ ಪಿಎಸ್‌ಎಲ್‌ನಲ್ಲಿ ಇದೇ ರೀತಿಯ ಸ್ಥಗಿತವನ್ನು ಜಾರಿಗೊಳಿಸಿತ್ತು.
ಕ್ರೀಡಾಮನೋಭಾವದ ಮೇಲೆ ಪರಿಣಾಮ
ಭಾರತ-ಪಾಕಿಸ್ತಾನ ಕ್ರೀಡಾ ಪಂದ್ಯಗಳು ಯಾವಾಗಲೂ ತೀವ್ರ ಭಾವನೆಗಳಿಗೆ ಕಾರಣವಾಗಿವೆ, ಆದರೆ ಇವು ಯುವ ಕ್ರೀಡಾಪಟುಗಳಿಗೆ ಗೌರವ ಮತ್ತು ಸೌಜನ್ಯವನ್ನು ಪ್ರದರ್ಶಿಸಲು ಒಂದು ವೇದಿಕೆಯಾಗಿರಬೇಕು. ಪಾಕಿಸ್ತಾನದ ಆಟಗಾರನ ಈ ವರ್ತನೆಯನ್ನು ಅಂತರರಾಷ್ಟ್ರೀಯ ಟೆನಿಸ್ ಫೆಡರೇಷನ್ (ಐಟಿಎಫ್) ಗಂಭೀರವಾಗಿ ಪರಿಗಣಿಸಬೇಕೆಂದು ಅನೇಕರು ಒತ್ತಾಯಿಸಿದ್ದಾರೆ. ಜೂನಿಯರ್ ಟೂರ್ನಮೆಂಟ್‌ಗಳಲ್ಲಿ ನಡವಳಿಕೆಯ ಮಾರ್ಗಸೂಚಿಗಳನ್ನು ಕಟ್ಟುನಿಟ್ಟಾಗಿ ಜಾರಿಗೊಳಿಸಬೇಕೆಂದು ಕರೆಗಳು ಕೇಳಿಬಂದಿವೆ. ಭಾರತೀಯ ಆಟಗಾರ ತವಿಶ್ ಪಹ್ವಾರ ಸಂಯಮ ಮತ್ತು ಪರಿಪಕ್ವತೆಗಾಗಿ ವ್ಯಾಪಕ ಮೆಚ್ಚುಗೆಯನ್ನು ಗಳಿಸಿದ್ದಾರೆ, ಇದು ಯುವ ಕ್ರೀಡಾಪಟುಗಳಿಗೆ ಮಾದರಿಯಾಗಿದೆ.
