Kantara Craze: ಗೂಡುದೀಪಗಳಲ್ಲೂ ಕಾಂತಾರ ಮೇನಿಯಾ, ಥೈಯಂ, ಕೋಲದ ಸಂಸ್ಕೃತಿ ಬಿಂಬಿಸುವ ಮಾದರಿಗಳಿಗೆ ಫುಲ್‌ ಡಿಮ್ಯಾಂಡ್! | Dakshina Kannada Kantara Daiva masks and Goodudeepas shine in Deepavali | ದಕ್ಷಿಣ ಕನ್ನಡ

ದೀಪಗಳ ಹಬ್ಬ ದೀಪಾವಳಿಯಲ್ಲಿ ದೀಪಗಳ ಜೊತೆ ಗೂಡುದೀಪಗಳಿಗೂ ಭಾರೀ ಮಹತ್ವ. ಇಂದು ನಾನಾ ರೀತಿಯ, ಬಣ್ಣದ ಗೂಡುದೀಪಗಳು ಮಾರುಕಟ್ಟೆಯಲ್ಲಿ ಲಭ್ಯವಿದ್ದು, ಚೈನಾ ಮೇಡ್ ಗೂಡುದೀಪಗಳು ಬಹುತೇಕ ಮಾರುಕಟ್ಟೆಯನ್ನು ತುಂಬಿಕೊಂಡಿವೆ. ಇಂದು ಹೆಚ್ಚಿನ ಮನೆ ಮಂದಿ ಈ ಮಾರುಕಟ್ಟೆಯಲ್ಲಿ ಸಿಗುವ ಗೂಡುದೀಪಗಳನ್ನೇ ಅವಲಂಭಿಸಿದ್ದು, ಮನೆಯಲ್ಲೇ ತಯಾರಿಸುವ ಗೂಡುದೀಪಗಳ ಸಂಖ್ಯೆ ಗಣನೀಯ ಕುಸಿದಿದೆ.

ಈ ಹಿಂದೆ ಕರಾವಳಿ ಭಾಗದ ಎಲ್ಲಾ ಮನೆಗಳಲ್ಲಿ ತಮಗೆ ಬೇಕಾದ ಗೂಡುದೀಪಗಳನ್ನು ತಾವೇ ತಯಾರಿಸಿಕೊಳ್ಳುತ್ತಿದ್ದ ಕಾಲವೊಂದಿತ್ತು. ಹಿಡಿಸೂಡಿ ಕಡ್ಡಿ ಅಥವಾ ಬಿದಿರಿನ ಕಡ್ಡಿಗಳನ್ನು ಬಳಸಿಕೊಂಡು ಈ ಗೂಡುದೀಪಗಳನ್ನು ಈ ಭಾಗದ ಜನ ತಯಾರಿಸುತ್ತಿದ್ದರು. ನಕ್ಷತ್ರ, ಆಕಾಶಬುಟ್ಟಿ ಮಾದರಿಯ ಗೂಡುದೀಪ, ವಿಮಾನ ಮಾದರಿ ಗೂಡುದೀಪ, ಹಡಗು ಮಾದರಿಯ ಗೂಡುದೀಪಗಳನ್ನು ಮನೆಯ ಮಕ್ಕಳೇ ಸೇರಿ ತಯಾರಿಸುತ್ತಿದ್ದರು.

ಆದರೆ ಇಂದು ಬೆಳಕಿನ ಹಬ್ಬಕ್ಕೆ ಪ್ರದರ್ಶಿಸಲ್ಪಡುವ ಗೂಡುದೀಪಗಳು ಮಾರುಕಟ್ಟೆಯಲ್ಲಿದೆ. ಆದರೆ ಇಂದು ಕೇವಲ ಸಾರ್ವಜನಿಕ ಪ್ರದರ್ಶನಗಳಿಗೋಸ್ಕರ ಮಾತ್ರವೇ ಗೂಡುದೀಪಗಳನ್ನು ಕೆಲವು ಆಸಕ್ತರು ಮನೆಯಲ್ಲೇ ತಯಾರಿಸುತ್ತಾರೆ. ಇಂದಿನ ಟ್ರೆಂಡ್ ಗೆ ಅನುಗುಣವಾಗಿರುವ, ಪ್ರಸಕ್ತ ವಿದ್ಯಮಾನವನ್ನು ತಮ್ಮ ಗೂಡುದೀಪಗಳ ಮೂಲಕ ಪ್ರದರ್ಶಿಸುವ ಪ್ರಯತ್ನವನ್ನೂ ಮಾಡುತ್ತಾರೆ.