Kurindu utsava: ಪುತ್ತೂರಿನ ವೆಂಕಟರಮಣ ಕ್ಷೇತ್ರದ ಕಾರ್ತಿಕ ಮಾಸದ ಸಂಭ್ರಮ, ಕುರಿಂದು ಉತ್ಸವದಲ್ಲಿ ಸಾವಿರಾರು ಭಕ್ತರು ಭಾಗಿ! | Dakshina Kannada festival | ದಕ್ಷಿಣ ಕನ್ನಡ

ಪುತ್ತೂರಿನ ಶ್ರೀ ಲಕ್ಷ್ಮೀ ವೆಂಕಟರಮಣ ದೇವಸ್ಥಾನದಲ್ಲಿ ವಷರ್ಂಪ್ರತಿ ಜರುಗುವ ವೈಭವದ ಕುರಿಂದು ಉತ್ಸವ ನ.5ರಂದು ರಾತ್ರಿ ದರ್ಬೆ ವೃತ್ತದಲ್ಲಿ ನಡೆಯಿತು. ದರ್ಬೆ ವೃತ್ತದಲ್ಲಿ ರಥದ ಆಕೃತಿಯಲ್ಲಿ ಈ ಕುರಿಂದನ್ನು ನಿರ್ಮಿಸಿ ಅದಕ್ಕೆ ಹಣ್ಣು-ಹಂಪಲುಗಳು, ಅಡಿಕೆ-ಸೀಯಾಳ, ಹೂವುಗಳಿಂದ ಶೃಂಗರಿಸಲಾಗುತ್ತದೆ. ಈ ಕುರಿಂದುವಿನಲ್ಲಿ ದೇವರನ್ನು ಇರಿಸಿ ವಿಶೇಷ ಪೂಜೆ ನೆರವೇರಿಸಲಾಗುತ್ತದೆ.

ಕುರಿಂದು ಉತ್ಸವಕ್ಕೆ ಮೊದಲು ವೆಂಕಟರಮಣ ದೇವಳದಲ್ಲಿ ದೇವರ ಕಟ್ಟೆಪೂಜೆ, ಮಹಾಪೂಜೆ ನಡೆದು ದೇವರು ಹೊರಗಡೆ ಬಂದು ದೇವರ ಕಟ್ಟೆಗೆ ಬಂದು ಬಳಿ ಬಂದು ಕುಳಿತುಕೊಳ್ಳುತ್ತಾರೆ. ದೇವರು ಕಟ್ಟೆಯಲ್ಲಿ ಕುಳಿತ ಬಳಿಕ ವಿಶೇಷ ಸಿಡಿಮದ್ದು ಪ್ರದರ್ಶನ ನಡೆಯುತ್ತದೆ. ಬಳಿಕ ದೇವಳದಿಂದ ದರ್ಬೆಯ ತನಕ ಪೇಟೆ ಸವಾರಿ ಉತ್ಸವ ನಡೆದು.ರಾತ್ರಿ ದೀಪ ನಮಸ್ಕಾರ, ರಾತ್ರಿ ಪೂಜೆ, ಶ್ರೀ ದೇವರ ಪೇಟೆ ಸವಾರಿ .ಬಳಿಕ ದರ್ಬೆ ವೃತ್ತದಲ್ಲಿ ಶ್ರೀ ದೇವರಿಗೆ ಕುರಿಂದು ಉತ್ಸವ ನಡೆಯಿತು.