Mangaluru: ತೂಕ ಇಳಿಸಲು ಸಹಕಾರಿ ಈ ಕಾಡು ಮಾವು; ಆರೋಗ್ಯದ ಗುಣಗಳೊಂದಿಗೆ ಸವಿಯ ಸೊಗಸು | dakshina kannada forest mango fruit health benefits

ದೇಶೀಯ ಮಾವಿನ ಹಣ್ಣುಗಳು ಅದ್ಭುತ ರುಚಿಯೊಂದಿಗೆ ಸುವಾಸನೆಯನ್ನೂ ಹೊಂದಿವೆ. ಸ್ಥಳೀಯವಾಗಿ ಸಿಗುವ ಮಾವು ಸಾಂಪ್ರದಾಯಿಕವಾಗಿ ವಿಭಿನ್ನ ಸುವಾಸನೆ ಮತ್ತು ಗುಣಲಕ್ಷಣಗಳನ್ನು ಹೊಂದಿರುತ್ತವೆ. ಬೇರೆ ಹಣ್ಣುಗಳು ಮಳೆಗಾಲದಲ್ಲಿ ಭಾರಿ ಮಳೆಯಿಂದಾಗಿ ನಾಶವಾಗುತ್ತವೆ. ಆದರೆ ಈ ಕಾಡು ಮಾವುಗಳು ವರ್ಷದ ಆರಂಭದಲ್ಲಿ ಅಂದರೆ ಮಾರ್ಚ್‌ ಅಥವಾ ಏಪ್ರಿಲ್‌ ವೇಳೆಗೆ ಫಲ ನೀಡುತ್ತವೆ. ಹೀಗಾಗಿ ಮಳೆಯಿಂದ ಈ ಹಣ್ಣುಗಳು ನಾಶವಾಗುವುದಿಲ್ಲ..

ಕಾಡಿನಲ್ಲಿರುವ ಅಥವಾ ಕೃಷಿ ಭೂಮಿಯ ಗಡಿಯಲ್ಲಿರುವ ಬೃಹತ್ ಮರಗಳ ಮೇಲೆ ಗೊಂಚಲುಗಳಾಗಿ ಬೆಳೆಯುತ್ತವೆ. ಬೇಸಿಗೆಯಲ್ಲಿ ಮರಗಳ ಮೇಲೆ ನೈಸರ್ಗಿಕವಾಗಿ ಹಣ್ಣಾಗುವ ಹಣ್ಣುಗಳು ನೆಲದ ಮೇಲಿನ ಒಣಗಿದ ಎಲೆಗಳ ಮೇಲೆ ಬೀಳುತ್ತವೆ. ಈ ರುಚಿಕರವಾದ ಹಣ್ಣುಗಳನ್ನು ಜನರು ತಮ್ಮ ಮೈ ಮನಸ್ಸು ಮರೆತು ಸವಿಯುತ್ತಾರೆ.

ಇದನ್ನೂ ಓದಿ: Dakshina Kannada: ಮಂಗಳೂರಿನ ಕಡಲತೀರದಲ್ಲಿ ಸೀಗಲ್‌ಗಳ ಕಲರವ: ವಿದೇಶಿ ಹಕ್ಕಿಗಳ ವಲಸೆ ವೈಭವ

ಕಾಡು ಮಾವಿನ ರಸವು ನಿರ್ವಿವಾದದ ರುಚಿಯನ್ನು ಹೊಂದಿದ್ದು, ಇದು ಅನೇಕ ಆರೋಗ್ಯ ಪ್ರಯೋಜನಗಳನ್ನು ಹೊಂದಿವೆ. ಇದು ಆರೋಗ್ಯಕರ ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತದೆ ಮತ್ತು ಕರುಳಿನ ಆರೋಗ್ಯವನ್ನು ಉತ್ತೇಜಿಸುತ್ತದೆ. ಇದರ ನಾರುಗಳು ಹೊಟ್ಟೆ ತುಂಬಿಸುತ್ತದೆ ಮತ್ತು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ. ಕೊಲೆಸ್ಟ್ರಾಲ್ ಅನ್ನು ಕಡಿಮೆ ಮಾಡುತ್ತದೆ ಮತ್ತು ತೂಕ ಇಳಿಸಿಕೊಳ್ಳಲು ಸಹಾಯ ಮಾಡುತ್ತದೆ. ಮಾರುಕಟ್ಟೆಗೆ ತರಹೇವಾರಿ ಮಾವಿನ ಹಣ್ಣುಗಳು ಬಂದರೂ ಕಾಡು ಮಾವಿನ ಹಣ್ಣಿನ ರುಚಿಯನ್ನು ಮಾತ್ರ ಸವಿದವನೇ ಬಲ್ಲ..