Mangaluru: ಸಿಂಗಲ್ ಸ್ಟಾರ್ ರೇಟಿಂಗ್, ಮಾಲೀಕ​​ ರಾಂಗ್​​! ಪಿಜಿ ಹುಡುಗನ ಮೇಲೆ ಓನರ್​​ ಅಟ್ಟಹಾಸ! | Mangalore City PG Owner and Student Google Review Case

ರಿವ್ಯೂ ಡಿಲೀಟ್ ಮಾಡುವಂತೆ ಓನರ್ ಧಮ್ಕಿ!

ಈಗೀಗೆಲ್ಲಾ ಗಲ್ಲಿ ಗಲ್ಲಿಯಲ್ಲೂ ಪಿಜಿಗಳಾಗಿವೆ. ನಗರ ಪ್ರದೇಶಗಳಲ್ಲಂತೂ ಪಿಜಿಗಳಿಲ್ಲದ ಏರಿಯಾಗಳೇ ಇಲ್ಲ. ಹೀಗಾಗಿಯೇ ಪಿಜಿ ಮಾಲೀಕರು ಕೂಡಾ ಕಾಂಪಿಟೇಷನ್​ಗೆ ಬಿದ್ದಿರೋದು. ನಮ್ಮಲ್ಲಿ ಸಿಕ್ಕಾಪಟ್ಟೆ ಹೈಜಿನ್​​, ನಮ್ಮಲ್ಲಿರೋದೆಲ್ಲಾ ಹೈಫೈ ರೂಮ್ಸ್​ ಅಂತಾ ಶೋಆಫ್​ ಕೊಡ್ತಾರೆ. ಆದ್ರೆ, ಒಳಗೆ ಹೋದ್ರೇನೇ ಗೊತ್ತಾಗೋದು, ಪಿಜಿಗಳ ತಳುಕುಬಳುಕು. ಇದೂ ಕೂಡಾ ಇಂತದ್ದೇ ಪಿಜಿ. ಈ ಪೀಜಿಯ ದುಸ್ಥಿತಿ ಬಗ್ಗೆ ಗೂಗಲ್​​ನಲ್ಲಿ ವಿದ್ಯಾರ್ಥಿಯೊಬ್ಬ ಸಿಂಗಲ್​​ ಸ್ಟಾರ್​​ ರೇಟಿಂಗ್ ಕೊಟ್ಟು, ನೆಗೆಟಿವ್​ ರಿವ್ಯೂ ಬೇರೆ ಮಾಡಿದ್ದ. ಇದನ್ನ ನೋಡಿದ ಪಿಜಿ ಮಾಲೀಕರು ಕೆರಳಿ ಕೆಂಡವಾಗಿದ್ದಾರೆ. ಸಿಂಗಲ್ ಸ್ಟಾರ್ ರೇಟಿಂಗ್ ಕೊಟ್ಟ ಸಿಟ್ಟಿಗೆ ಮನಸೋ ಇಚ್ಛೆ ಥಳಿಸಿದ್ದಾರೆ ಎಂಬ ಆರೋಪ ಕೇಳಿ ಬಂದಿದೆ.

ಕಮೆಂಟ್​ ಕಾಳಗ, ತತ್ತರಿಸಿದ ಅಮಾಯಕ!

ಕಲಬುರಗಿ ಮೂಲದ ವಿಕಾಸ್​, ಮಂಗಳೂರಿನ ಇಂಜಿನಿಯರಿಂಗ್ ಕಾಲೇಜಿನಲ್ಲಿ ವಿದ್ಯಾಭ್ಯಾಸ ಮಾಡ್ತಿದ್ದ. ಊರು ಬಿಟ್ಟು ಊರಿಗೆ ಬಂದಿದ್ರಿಂದ ಕದ್ರಿಯಲ್ಲಿರುವ ಕುಕ್ಕೆಶ್ರೀ ಬಾಯ್ಸ್ ಪಿಜಿಯಲ್ಲೇ ಉಳಿದುಕೊಂಡಿದ್ದ. ಯಾವಾಗ ಈ ಪಿಜಿ ಸೆಟ್​​ ಆಗ್ಲಿಲ್ವೋ, ಅದನ್ನ ಬಿಟ್ಟು ಬೇರೆ ಕಡೆ ರೂಂ ಮಾಡಿದ್ದ. ಪಿಜಿ ಬಿಡೋ ಟೈಮ್​ನಲ್ಲಿ ಸಿಂಗಲ್ ಸ್ಟಾರ್ ರೇಟಿಂಗ್ ಕೊಟ್ಟು ನೆಗೆಟಿವ್​​ ಕಾಮೆಂಟ್ ಮಾಡಿದ್ದ. ಇದನ್ನು ಗಮನಿಸಿದ ಪಿಜಿ ಮಾಲಕ ಸಂತೋಷ್, ಮೊದಲು ನಿನ್ನ ರಿವ್ಯೂ ಡಿಲೀಟ್ ಮಾಡು ಅಂತಾ ಧಮ್ಕಿ ಹಾಕಿದ್ದಾನೆ. ಆದ್ರೆ, ವಿಕಾಸ್​ ಕ್ಯಾರೆ ಎಂದಿರರ್ಲಿಲ್ಲ. ಹೀಗಾಗಿ ಮೂರು ದಿನದ ಹಿಂದೆ ಗ್ಯಾಂಗ್​ ಕಟ್ಕೊಂಡು ಬಂದು ಹಲ್ಲೆ ಮಾಡಿದ್ದಾರಂತೆ.

ಇದನ್ನೂ ಓದಿ: Mysuru: ಕಲ್ಲಂಗಡಿ ಹಣ್ಣಿಗೆ ಕೃತಕ ಬಣ್ಣ ವದಂತಿ; ಬಿಸಿನೆಸ್ ಡಲ್, ವ್ಯಾಪಾರಿಗಳು ಹೇಳೋದೇನು?

ಕುಕ್ಕೆಶ್ರೀ ಪಿಜಿಯಲ್ಲಿ ಒಬ್ಬೊಬ್ಬರಿಗೆ 7 ಸಾವಿರ ರೂಪಾಯಿ ಫೀಸ್​ ಕಟ್ಟಿಸಿಕೊಳ್ತಿದ್ದಾರಂತೆ. ಆದರೆ, ದುಡ್ಡಿಗೆ ತಕ್ಕಂತೆ ಫೆಸಿಲಿಟಿ ಕೊಡ್ತಿಲ್ವಂತೆ. ಈ ಬಗ್ಗೆ ಪಿಜಿ ಮಾಲೀಕರನ್ನ ಕೇಳಿದರೆ, ಇದೆಲ್ಲ ಸುಳ್ಳು. ಬೇರೆ ಕಡೆಯ ಫೋಟೋವನ್ನ ತೋರಿಸಿ ಸುಳ್ಳು ಸುದ್ದಿ ಹಬ್ಬಿಸ್ತಿದ್ದಾರೆ ಎಂದಿದ್ದಾರೆ. ಒಟ್ನಲ್ಲಿ ಹೊಡೆತ ತಿಂದ ವಿದ್ಯಾರ್ಥಿ ಪೊಲೀಸ್​ ಠಾಣೆ ಮೆಟ್ಟಿಲೇರಿದ್ದು, ಪೊಲೀಸರು ಕ್ರಮ ಕೈಗೊಳ್ತಾರಾ ಕಾದು ನೋಡ್ಬೇಕು. (ವರದಿ: ಕಿಶನ್ ಶೆಟ್ಟಿ, ನ್ಯೂಸ್​18, ಮಂಗಳೂರು)