ಈ ಕುರಿತು ಮಾತನಾಡಿದ ರವೀಂದ್ರ ಮೆಟ್ಕರ್​, ನಮ್ಮ ಜಮೀನಿನಲ್ಲಿ ತೆಂಗಿನ ಮರ ಸೇರಿದಂತೆ ಇತರೆ ಬೆಳೆಗಳಿಗೆ ಮಂಗಗಳು ಹಾನಿ ಮಾಡುತ್ತಿದ್ದವು. ಅಲ್ಲದೆ ಅವು ಪೌಲ್ಟ್ರಿ ಮೇಲ್ಚಾವಣಿ ಮೇಲೆ ಓಡಾಡುತ್ತಾ ಹಾನಿ ಮಾಡುತ್ತಿದ್ದವು. ಈ ಹಿನ್ನೆಲೆ ಗಿರಿ ಸಹೋದರರಿಗೆ ಕರೆದು ಸಹಾಯ ಪಡೆದಿದ್ದಾಗಿ ತಿಳಿಸಿದರು.

ಗಿರಿ ಮಂಕಿ ಮ್ಯಾನ್​ ಎಂದೇ ಪರಿಚಿತರಾಗಿದ್ದು, ಇವರ ಕುಟುಂಬ ಛತ್ರಪತಿ ಸಂಭಾಜಿ ನಗರ್​ ಜಿಲ್ಲೆಯ ಸಿಲೊದ್​ ತಾಲೂಕಿನ ಅಂಬಾಯಿ ಗ್ರಾಮದ ಮೂಲದವರಾಗಿದ್ದಾರೆ. ಇವರು ಇದುವರೆಗೂ ರಾಜ್ಯದ 4.5 ಲಕ್ಷ ಮಂಗಗಳ ಸ್ಥಳಾಂತರ ಮಾಡಿದ್ದಾರೆ.

ಗಿರಿ ಸಹೋದರರು ವನ್ಯಜೀವಿ ಪ್ರೇಮಿಗಳಾಗಿದ್ದು, ಹೆಮ್ಮೆಯಿಂದ ಮಂಗಗಳಿಗೆ ಹೊಸ ಬದುಕನ್ನು ನೀಡುತ್ತಿದ್ದಾರೆ. ಮಂಗಗಳು ಮಾತ್ರ ಕೃಷಿಕರಿಗೆ ತೊಂದರೆ ನೀಡುವುದಿಲ್ಲ. ಅನೇಕ ವೇಳೆ ಮಂಗಗಳ ಮೇಲೆ ಕೂಡ ದಾಳಿಯಾಗುತ್ತದೆ. ಇದರಿಂದ ಅವುಗಳಿಗೆ ಸುರಕ್ಷತೆ ಕಲ್ಪಿಸಲು ನಾವು ಈ ಕಾಯಕ ಮುಂದುವರೆಸಿದ್ದೇವೆ ಎಂದಿದ್ದಾರೆ.

ಮಂಗಗಳನ್ನು ಹಿಡಿಯುವ ಇವರ ಕೌಶಲ್ಯಕ್ಕೆ ಮಹಾರಾಷ್ಟ್ರ ರಾಜ್ಯಪಾಲರಾದ ರಮೇಶ್ ಬಾಯಿ ಕೂಡ ಬೆರಗಾಗಿ ಅವರಿಂದ ಸಹಾಯ ಪಡೆದು, ಛತ್ತೀಸ್​ಗಢದ ರಾಯ್​ಪುರದಲ್ಲಿ ಅವರ ಜಮೀನಿನ ಮಂಗಗಳನ್ನು ಸೆರೆಹಿಡಿಯುವಂತೆ ಕೋರಿದ್ದರು.

ಕೋತಿ ಹಿಡಿಯುವ ಕಾರ್ಯ ಸುಲಭವಾಗಿದ್ದರೂ, ಈ ವೇಳೆ ಗ್ರಾಮದ ಜನರು ಗುಂಪಿನ ಗದ್ದಲ ಹೆಚ್ಚು ಸವಾಲು ಮೂಡಿಸುತ್ತದೆ. ಆದರೆ, ಇದೀಗ ಈ ಇದನ್ನು ನಿರ್ವಹಣೆ ಮಾಡುವುದನ್ನು ಕಲಿತಿದ್ದೇವೆ ಎನ್ನುತ್ತಾರೆ.

ಈ ಕೋತಿಗಳನ್ನು ಹಿಡಿಯುವ ಕಾರ್ಯಕ್ಕೆ ಇವರು 800 ರೂ. ಶುಲ್ಕ ವಿಧಿಸುತ್ತಾರೆ. ಆದರೆ, ಇವರು ಮಾಡುವ ಕಾರ್ಯಕ್ಕೆ ಬೆಲೆ ಕಟ್ಟಲಾಗಲ್ಲ. ಕಾರಣ ನಮ್ಮ ಲಕ್ಷಾಂತರ ಮೌಲ್ಯದ ಬೆಳೆ ಹಾನಿಯನ್ನು ತಪ್ಪಿಸಿದ್ದಾರೆ ಎನ್ನುತ್ತಾರೆ ರವೀಂದ್ರ ಮೆಟ್ಕರ್​.

ಮಹಾರಾಷ್ಟ್ರ ರಾಜ್ಯ ಆದಾಯ ಮತ್ತು ಅರಣ್ಯ ಇಲಾಖೆ, ಕೊಂಕಣ್​ ಮತ್ತು ಮರಾಠವಾಡದಲ್ಲಿ ಇವರ ಪ್ರಯತ್ನಕ್ಕೆ ಸಂಭಾವನೆಯಾಗಿ 60 ಸಾವಿರ ನೀಡಿದೆ. ಚಿಪ್ಲುನ್​, ರತ್ನಗಿರಿ ಮತ್ತು ದಪೊಲಿಯಂತಹ ಸರ್ಕಾರದಲ್ಲಿ ನಮ್ಮ ಕೆಲಸಕ್ಕೆ ಸರ್ಕಾರದ ಸಹಾಯಬೇಕು. ಆದರೆ, ವಿದರ್ಭದಲ್ಲಿ ಸರ್ಕಾರ ಯಾವುದೇ ಸಹಾಯವನ್ನು ನೀಡದ ಕಾರಣ ರೈತರಿಗೆ ಬೇರೆ ಆಯ್ಕೆಗಳಿಲ್ಲ ಎನ್ನುತ್ತಾರೆ.