ಟಾಸ್ ಸೋತು ಬ್ಯಾಟಿಂಗ್ ಮಾಡಿದ್ದ ಇಂಗ್ಲೆಂಡ್ ತಂಡ ಬೆನ್ ಡಕೆಟ್ 31 ಜೇಮಿ ಸ್ಮಿತ್ 62 (48 ಎಸೆತಗಳಲ್ಲಿ9 ಬೌಂಡರಿ, 1 ಸಿಕ್ಸರ್ ಸಹಿತ 62), ಜೇಕಬ್ ಬೆಥೆಲ್ 110 (82 ಎಸೆತಗಳಲ್ಲಿ 13, ಬೌಂಡರಿ, 3 ಸಿಕ್ಸರ್, 110 ರನ್‌ಗಳು ), ಜೋ ರೂಟ್ ಶತಕ(ರೂಟ್ 96 ಎಸೆತಗಳಲ್ಲಿ 6 ಬೌಂಡರಿ ಸಹಿತ 100 ರನ್) ಹಾಗೂ ಜೋಸ್ ಬಟ್ಲರ್ ಸಿಡಿಸಿದ ಸ್ಫೋಟಕ ಅರ್ಧಶತಕದ (32 ಎಸೆತಗಳಲ್ಲಿ 62, 8 ಬೌಂಡರಿ, 1 ಸಿಕ್ಸರ್) ನೆರವಿನಿಂದ ಅತಿಥೇಯ ತಂಡ ನಿಗದಿತ 50 ಓವರ್ಗಳಲ್ಲಿ 5 ವಿಕೆಟ್ ಕಳೆದುಕೊಂಡು 414 ರನ್ಗಳಿಸಿತ್ತು.
ದಕ್ಷಿಣ ಆಫ್ರಿಕಾ ಪರ, ಕೇಶವ್ ಮಹಾರಾಜ್ ಮತ್ತು ಕಾರ್ಬಿನ್ ಬಾಷ್ ತಲಾ 2 ವಿಕೆಟ್ ಪಡೆದರು.
415 ರನ್ಗಳ ಬೃಹತ್ ಗುರಿ ಬೆನ್ನಟ್ಟಿದ ದಕ್ಷಿಣ ಆಫ್ರಿಕಾ ತಂಡ ಆರಂಭದಿಂದಲೇ ಪೆವಿಲಿಯನ್ ಪರೇಡ್ ನಡೆಸಿತು. 10 ಓವರ್ಗಳ ಪವರ್ಪ್ಲೇನಲ್ಲೇ 24 ರನ್ ಸೇರಿಸಿ ಮೊದಲ 6 ಬ್ಯಾಟರ್ಗಳು ವಿಕೆಟ್ ಒಪ್ಪಿಸಿದರು. ಐಡೆನ್ ಮಾರ್ಕ್ರಮ್ (0), ವಿಯಾನ್ ಮಲ್ಡರ್(1), ರಯಾನ್ ರಿಕಲ್ಟನ್(0), ಮ್ಯಾಥ್ಯೂ ಬ್ರೀಟ್ಸ್ಕಿ(4), , ಡೆವಾಲ್ಡ್ ಬ್ರೆವಿಸ್(6) ಒಂದಕಿ ಮೊತ್ತಕ್ಕೆ ವಿಕೆಟ್ ಒಪ್ಪಿಸಿದರೆ, ಟ್ರಿಸ್ಟಾನ್ ಸ್ಟಬ್ಸ್(10) ಮಾತ್ರ 10ರನ್ ತಲುಪಿದರು. ಈ 6 ವಿಕೆಟ್ಗಳಲ್ಲಿ ಜೋಫ್ರಾ ಆರ್ಚರ್ 4 ವಿಕೆಟ್ ಪಡೆದರೆ, ಬ್ರಿಡನ್ ಕಾರ್ಸ್2 ವಿಕೆಟ್ ಪಡೆದರು.
50 ರನ್ಗಳ ಗಡಿ ದಾಟೋದು ಡೌಟ್ ಎನ್ನುವ ಪರಿಸ್ಥಿತಿಯಲ್ಲಿದ್ದ ತಂಡಕ್ಕೆ ಕೇಶವ್ ಮಹಾರಾಜ ಹಾಗೂ ಕಾರ್ಬಿನ್ ಬಾಷ್ ಒಂದಷ್ಟು ಸಮಯ ಕ್ರೀಸ್ನಲ್ಲಿದ್ದು ಎರಡಂಕಿ ಮೊತ್ತದ ರನ್ಗಳಿಸಿ ತಂಡದ ಮೊತ್ತವನ್ನ 72ರ ತನಕ ತಂದರು. ಮಹಾರಾಜ 17 ರನ್ಗಳಿಸಿದರೆ, ಬಾಷ್ 20 ರನ್ಗಳಿಸಿ ಔಟ್ ಕೊನೆಯವರಾಗಿ ಆದರು. ಕೋಡಿ ಎಥಾನ್ ಯೂಸುಫ್ 5, ಬರ್ಗರ್ 2 ರನ್ಗಳಿಸಿದರು. ಬವುಮಾ ಗಾಯದ ಕಾರಣ ಬ್ಯಾಟಿಂಗ್ ಮಾಡಲಿಲ್ಲ.
ಇಂಗ್ಲೆಂಡ್ ಪರ ಆರ್ಚರ್ 4, ಕಾರ್ಸೆ 2,ಆದಿಲ್ ರಶೀದ್ 3 ವಿಕೆಟ್ ಪಡೆದು ಗೆಲುವಿನ ರೂವಾರಿಯಾದರು.
ಇಂಗ್ಲೆಂಡ್ ತಂಡ ದಕ್ಷಿಣ ಆಫ್ರಿಕಾ ತಂಡವನ್ನ 72ಕ್ಕೆ ಆಲೌಟ್ ಮಾಡುವ ಮೂಲಕ 342 ರನ್ಗಳ ಬೃಹತ್ ಗೆಲುವು ಸಾಧಿಸಿತು. ಇದು ಏಕದಿನ ಹಾಗೂ ಲಿಸ್ಟ್ ಎ ಕ್ರಿಕೆಟ್ ಇತಿಹಾಸದಲ್ಲೇ ಅತ್ಯಂತ ದೊಡ್ಡ ಗೆಲುವಾಗಿದೆ. ಇದಕ್ಕೂ ಮುನ್ನ ಭಾರತ ತಂಡ ಶ್ರೀಲಂಕಾ ವಿರುದ್ಧ 317 ರನ್ಗಳ ಗೆಲುವು ಸಾಧಿಸಿದ್ದು ವಿಶ್ವದಾಖಲೆಯಾಗಿತ್ತು.
ಇಂಗ್ಲೆಂಡ್ vs ದಕ್ಷಿಣ ಆಫ್ರಿಕಾ, 342ರನ್ಗಳ ಗೆಲುವು
ಭಾರತ vs ಶ್ರೀಲಂಕಾ, 317 ರನ್ಗಳ ಗೆಲುವು
ಆಸ್ಟ್ರೇಲಿಯಾ vs ನೆದರ್ಲೆಂಡ್ಸ್, 309ರನ್ಗಳ ಗೆಲುವು
ಜಿಂಬಾಬ್ವೆ vs ಯುಎಸ್ಎ, 304 ರನ್ಗಳ ಗೆಲುವು
ಭಾರತ vs ಶ್ರೀಲಂಕಾ, 302 ರನ್ಗಳ ಗೆಲುವು
September 07, 2025 10:43 PM IST