Swadesi Festival: ನಮ್ಮತನದ ವಸ್ತುಗಳಿಗೆ ಭಾರೀ ಬೇಡಿಕೆ, ಪುತ್ತೂರಿನ ಸ್ವದೇಶಿ ಮೇಳಕ್ಕೆ ಜನಜಂಗುಳಿ! | Swadeshi mela in Puttur local products and 25 types of ice cream | ದಕ್ಷಿಣ ಕನ್ನಡ

ಕುಂದಾಪುರದ ಬೆನಕ್ ಇವೆಂಟ್ಸ್ ಈ ಆಹಾರ ಮತ್ತು ಸ್ವದೇಶಿ ಮೇಳವನ್ನು ಆಯೋಜಿಸಿದ್ದು, ನಾಲ್ಕು ದಿನಗಳ ಕಾಲ ಈ ಮೇಳ ಪುತ್ತೂರಿನ ಜನತೆಗೆ ಸ್ವದೇಶಿ ಉತ್ಪನ್ನಗಳ ಖರೀದಿಗೆ ವಿಪುಲ ಅವಕಾಶವನ್ನು ನೀಡಲಿದೆ. ಬಳ್ಳಾರಿಯ ಹ್ಯಾಂಡ್ ಲೂಮ್, ಚೆನ್ನಪಟ್ಟಣದ ಗೊಂಬೆಗಳು, ಮರದ ಬಾಚಣಿಗೆ, ಮರದಿಂದ ತಯಾರಿಸಿದ ಟೂತ್ ಬ್ರೆಷ್, ಸಾವಯವ ಉತ್ಪನ್ನಗಳು, ಹಪ್ಪಳ, ಸೆಂಡಿಗೆ ಸೇರಿದಂತೆ ಹಲವು ಉತ್ಪನ್ನಗಳನ್ನು ಇಲ್ಲಿ ಮಾರಾಟಕ್ಕಿಡಲಾಗಿದೆ.

ಪುತ್ತೂರಿನಲ್ಲಿ ಇದೇ ಮೊದಲ ಬಾರಿಗೆ ಈ ಸಂಪೂರ್ಣ ಸ್ವದೇಶಿ ಉತ್ಪನ್ನಗಳ ಮೇಳವನ್ನು ಆಯೋಜಿಸಲಾಗಿದೆ. ಪುತ್ತೂರಿನಲ್ಲಿ ಹಲಸು ಮೇಳ ಸೇರಿದಂತೆ ಹಲವು ಮೇಳಗಳು ನಿರಂತರವಾಗಿ ಆಯೋಜಿಸಿಕೊಂಡು ಬರಲಾಗುತ್ತಿದ್ದರೂ, ಈ ಬಾರಿ ಸ್ವದೇಶಿ ಉತ್ಪನ್ನಗಳದ್ದೇ ಮೇಳ ಆಯೋಜಿಸಿರೋದು ಪುತ್ತೂರಿಗರ ಕುತೂಹಲಕ್ಕೂ ಕಾರಣವಾಗಿದೆ.