22 ವರ್ಷದ ಅಲ್ಕರಾಜ್, 23 ವರ್ಷಕ್ಕಿಂತ ಮುಂಚೆ ಕ್ಲೇ (ಮಣ್ಣಿನ ಮೇಲ್ಮೈ), ಗ್ರಾಸ್ (ಹುಲ್ಲಿನ ಮೇಲ್ಮೈ) ಮತ್ತು ಹಾರ್ಡ್‌ಕೋರ್ಟ್‌ನಲ್ಲಿ ಬಹು ಗ್ರ್ಯಾನ್ ಸ್ಲ್ಯಾಮ್ ಪ್ರಶಸ್ತಿಗಳನ್ನು ಗೆದ್ದ ಅಪರೂಪದ ಆಟಗಾರರಾಗಿದ್ದಾರೆ. ಈ ವರ್ಷ ಅಲ್ಕರಾಜ್ ಮತ್ತು ಸಿನ್ನರ್ ಸತತ ಮೂರನೇ ಗ್ರ್ಯಾಂಡ್ ಸ್ಲ್ಯಾಮ್ ಫೈನಲ್‌ನಲ್ಲಿ ಮುಖಾಮುಖಿಯಾಗಿದ್ದರು. ಸಿನ್ನರ್ ವಿಂಬಲ್ಡನ್ ಗೆದ್ದರೆ, ಅಲ್ಕರಾಜ್ ಫ್ರೆಂಚ್ ಓಪನ್ ಮತ್ತು ಯುಎಸ್ ಓಪನ್‌ನಲ್ಲಿ ಗೆಲುವು ಸಾಧಿಸಿದರು. ಈ ಗೆಲುವಿನೊಂದಿಗೆ ಅಲ್ಕರಾಜ್ ಮತ್ತೆ ವಿಶ್ವದ ನಂಬರ್ ಒನ್ ಸ್ಥಾನಕ್ಕೆ ಏರಿದ್ದಾರೆ.
ಮಳೆಯಿಂದಾಗಿ ಮುಚ್ಚಿದ ಕ್ರೀಡಾಂಗಣದ ಛಾವಣಿಯಡಿಯಲ್ಲಿ ನಡೆದ ಈ ಪಂದ್ಯದಲ್ಲಿ ಅಲ್ಕರಾಜ್ ಆರಂಭದಿಂದಲೇ ಆಕ್ರಮಣಕಾರಿಯಾಗಿ ಆಡಿದರು. ಅವರ ಶಕ್ತಿಯುತ ಫೋರ್‌ಹ್ಯಾಂಡ್ ಹೊಡೆತಗಳು (100 mphಗಿಂತ ಹೆಚ್ಚು ವೇಗ) ಮತ್ತು ಚುರುಕಾದ ಚಲನೆ ಸಿನ್ನರ್‌ಗೆ ತಡೆಯಲಾಗದಂತಿತ್ತು. ಮೊದಲ ಸೆಟ್‌ನಲ್ಲಿ ಅಲ್ಕರಾಜ್ 6-2 ರಿಂದ ಸುಲಭವಾಗಿ ಗೆದ್ದರು. ಎರಡನೇ ಸೆಟ್‌ನಲ್ಲಿ ಸಿನ್ನರ್ 3-6 ರಿಂದ ಮೇಲುಗೈ ಸಾಧಿಸಿದರು. ಆದರೆ, ಮೂರನೇ ಸೆಟ್‌ನಲ್ಲಿ ಅಲ್ಕರಾಜ್ 6-1 ರಿಂದ ಪ್ರಾಬಲ್ಯ ಮೆರೆದರು ಮತ್ತು ನಾಲ್ಕನೇ ಸೆಟ್‌ನಲ್ಲಿ 6-4 ರಿಂದ ಗೆದ್ದು ಪಂದ್ಯವನ್ನು ಮುಗಿಸಿದರು.
ಈ ಪಂದ್ಯದಲ್ಲಿ ಅಲ್ಕರಾಜ್‌ರ ಸರ್ವ್ ಅತ್ಯುತ್ತಮವಾಗಿತ್ತು, ಅವರು 83% ಮೊದಲ-ಸರ್ವ್‌ಗಳಲ್ಲಿ ಯಶಸ್ವಿಯಾದರು. ಒಟ್ಟು 10 ಏಸ್‌ಗಳು ಮತ್ತು 41 ವಿನ್ನರ್‌ಗಳನ್ನು ಹೊಡೆದ ಅವರು, ಸಿನ್ನರ್‌ಗಿಂತ ಎರಡು ಪಟ್ಟು ಹೆಚ್ಚು ವಿನ್ನರ್ಸ್ (42-21) ಗಳಿಸಿದರು. ಪ್ರಮುಖ ಹಂತಗಳಲ್ಲಿ ಅವರ ಮಾನಸಿಕ ಶಾಂತತೆ ಮತ್ತು ಕ್ಲಚ್ ಹೊಡೆತಗಳು ಪಂದ್ಯವನ್ನು ತಮ್ಮತ್ತ ಒಲಿಸಿಕೊಂಡಿತು.
ಇಡೀ ಪಂದ್ಯದಲ್ಲಿ ಸಿನ್ನರ್ ಎರಡನೇ ಸೆಟ್‌ನಲ್ಲಿ ಮಾತ್ರ ಅಲ್ಕರಾಜ್ಗೆ ಪ್ರತಿರೋಧ ತೋರಿದರು. ಅವರ ಬೇಸ್‌ಲೈನ್ ಆಟ, ಬ್ಯಾಕ್‌ಹ್ಯಾಂಡ್ ಮತ್ತು ರ್ಯಾಲಿಗಳ ನಿಯಂತ್ರಣ ಗಮನಾರ್ಹವಾಗಿತ್ತು. ಆದರೆ, ಅವರ ಮೊದಲ-ಸರ್ವ್ ಯಶಸ್ಸಿನ ಪ್ರಮಾಣ ಕೇವಲ 48% ಆಗಿತ್ತು, ಇದು ಅಲ್ಕರಾಜ್ಗೆ ಹಲವು ಬ್ರೇಕ್ ಅವಕಾಶಗಳನ್ನು ನೀಡಿತು. ಮೂರನೇ ಸೆಟ್‌ನಲ್ಲಿ ಸಿನ್ನರ್‌ರ ಆತ್ಮವಿಶ್ವಾಸ ಕುಸಿಯಿತು, ಮತ್ತು ಅವರು ಅಲ್ಕರಾಜ್‌ರ ಆಕ್ರಮಣಕಾರಿ ಆಟಕ್ಕೆ ಸೂಕ್ತವಾಗಿ ಪ್ರತಿಕ್ರಿಯಿಸಲು ವಿಫಲರಾದರು.
ಯುಎಸ್ ಓಪನ್ ಗೆಲ್ಲುವ ಮೂಲಕ ಅಲ್ಕರಾಜ್ ಟೆನಿಸ್ ಓಪನ್ ಎರಾದಲ್ಲಿ 23 ವರ್ಷಕ್ಕಿಂತ ಕಡಿಮೆ ವಯಸ್ಸಿನಲ್ಲಿ 6 ಗ್ರ್ಯಾನ್ ಸ್ಲ್ಯಾಮ್ ಗೆದ್ದ ಎರಡನೇ ಆಟಗಾರನನ್ನಾಗಿ ಮಾಡಿದೆ, ಬಿಯೋರ್ನ್ ಬೋರ್ಗ್ (7) ನಂತರದ ಸ್ಥಾನದಲ್ಲಿರುವ ಅವರು ರಾಫೆಲ್ ನಡಾಲ್‌ರ ದಾಖಲೆಯನ್ನು ಸರಿಗಟ್ಟಿದ್ದಾರೆ. ಅಲ್ಕರಾಜ್ ಮತ್ತು ಸಿನ್ನರ್ 2024 ಹಾಗೂ 2025ರ ಎಲ್ಲಾ ನಾಲ್ಕು ಗ್ರ್ಯಾಂಡ್ ಸ್ಲ್ಯಾಮ್‌ಗಳನ್ನು ಗೆದ್ದಿದ್ದಾರೆ, ಇದು ಓಪನ್ ಎರಾದಲ್ಲಿ ಇಬ್ಬರು ಆಟಗಾರರು ಒಂದೇ ವರ್ಷದಲ್ಲಿ ಮೂರು ಸತತ ಗ್ರ್ಯಾಂಡ್ ಸ್ಲ್ಯಾಮ್ ಫೈನಲ್‌ಗಳಲ್ಲಿ ಆಡಿದ ಮೊದಲ ಘಟನೆಯಾಗಿದೆ.
ಗೆಲುವಿನ ನಂತರ ಅಲ್ಕರಾಜ್, ಸಿನ್ನರ್ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದರು. “ನಿಮ್ಮನ್ನು ನನ್ನ ಕುಟುಂಬಕ್ಕಿಂತ ಹೆಚ್ಚು ಭೇಟಿಯಾಗುತ್ತಿದ್ದೇನೆ! ನಿಮ್ಮೊಂದಿಗೆ ಕೋರ್ಟ್ ಹಂಚಿಕೊಳ್ಳುವುದು ಖುಷಿಯಾಗಿದೆ,” ಎಂದರು. ಗೆಲುವಿಗೆ ಕಾರಣರಾದ ತಮ್ಮ ತಂಡ ಮತ್ತು ಕುಟುಂಬಕ್ಕೆ ಧನ್ಯವಾದ ಸಲ್ಲಿಸಿದ ಅವರು, “ಈ ಗೆಲುವು ನಿಮ್ಮೆಲ್ಲರದ್ದೂ ಆಗಿದೆ. ನ್ಯೂಯಾರ್ಕ್‌ನಲ್ಲಿ ಆಡುವುದು ವಿಶೇಷ ಭಾವನೆ,” ಎಂದು ಹೇಳಿದರು.
ಈ ಜೋಡಿಯ ಮತ್ತೊಂದು ವಿಶೇಷವೆಂದರೆ, 2024 ಹಾಗೂ 2025ರ ಒಟ್ಟು 8 ಗ್ರ್ಯಾನ್ ಸ್ಲಾಮ್ಗಳನ್ನ ಇಬ್ಬರೆ ಗೆದ್ದಿದ್ದಾರೆ. 2024ರಲ್ಲಿ ಸಿನ್ನರ್ ಆಸ್ಟ್ರೇಲಿಯಾ ಓಪನ್ ಮತ್ತು ಯುಎಸ್ ಓಪನ್ ಗೆದ್ದರೆ, ಅಲ್ಕರಾಜ್ ಫ್ರೆಂಚ್ ಓಪನ್ ಮತ್ತು ವಿಂಬಲ್ಡನ್ ಗೆದ್ದಿದ್ದರು. 2025ರಲ್ಲಿ ಸಿನ್ನರ್ ಆಸ್ಟ್ರೇಲಿಯಾ ಓಪನ್ ಮತ್ತು ವಿಂಬಲ್ಡನ್ ಗೆದ್ದರೆ, ಅತ್ತ ಅಲ್ಕರಾಜ್ ಫ್ರೆಂಚ್ ಓಪನ್ ಹಾಗೂ ಯುಎಸ್ ಓಪನ್ ತಮ್ಮದಾಗಿಸಿಕೊಂಡರು. ಇದಕ್ಕೂ ಮುನ್ನ ಅಲ್ಕರಾಜ್ 2022ರಲ್ಲಿ ಯುಎಸ್ ಓಪನ್, 2023ರಲ್ಲಿ ವಿಂಬಲ್ಡನ್ ಗೆದ್ದಿದ್ದರು.
September 08, 2025 10:13 AM IST