Vaibhav Suryavamshi: ವೈಭವ್ ಜೊತೆಗಿರುವ ಪ್ರೀತಿ ಝಿಂಟಾ ಫೋಟೋ ವೈರಲ್! ಆಕ್ರೋಶ ವ್ಯಕ್ತಪಡಿಸಿದ ಪಂಜಾಬ್ ಕಿಂಗ್ಸ್ ಒಡತಿ! ಕಾರಣವೇನು? | Preity Zinta angry over fake photo with Vaibhav Suryavanshi viral

ಸುಳ್ಳು ಫೋಟೋ ವೈರಲ್

ಜೈಪುರದ ಸವಾಯಿ ಮಾನ್ಸಿಂಗ್ ಕ್ರೀಡಾಂಗಣದಲ್ಲಿ ಪಂಜಾಬ್ ಕಿಂಗ್ಸ್ ಮತ್ತು ರಾಜಸ್ಥಾನ ರಾಯಲ್ಸ್ ನಡುವಿನ ಪಂದ್ಯದ ನಂತರ ಈ ವೈರಲ್ ಫೋಟೋ ಇತ್ತೀಚೆಗೆ ಕಾಣಿಸಿಕೊಂಡಿತು. ಕೆಲವು ಸುದ್ದಿ ವಾಹಿನಿಗಳು ಸಹ ಇದನ್ನು ಅಧಿಕೃತವೆಂದು ಪರಿಗಣಿಸಿ ತಮ್ಮ ಕಾರ್ಯಕ್ರಮಗಳಲ್ಲಿ ಪ್ರಸಾರ ಮಾಡಿದವು. ತಮ್ಮ ಅಧಿಕೃತ ಸಾಮಾಜಿಕ ಮಾಧ್ಯಮ ಖಾತೆಯಲ್ಲಿ ಪೋಸ್ಟ್ ಮಾಡಿರುವ ಅವರು, “ಈ ಚಿತ್ರ ಸಂಪೂರ್ಣವಾಗಿ ಸುಳ್ಳು” ಎಂದು ಬರೆದುಕೊಂಡಿದ್ದಾರೆ.

ರಾಜಸ್ಥಾನ್ ರಾಯಲ್ಸ್‌ನ ಅಧಿಕೃತ ಖಾತೆಯಿಂದ X ನಲ್ಲಿ ಪೋಸ್ಟ್ ಮಾಡಲಾದ ಮೂಲ ದೃಶ್ಯಾವಳಿ. ಅವರ ಕ್ಲಿಪ್‌ಗೆ “ಸ್ಕೂಲ್ ಮೇನ್ ಫ್ಲೆಕ್ಸ್ ಲೆವೆಲ್ ವೈಭವ್ ಸೂರ್ಯವಂಶಿ” ಎಂಬ ಶೀರ್ಷಿಕೆ ನೀಡಲಾಗಿತ್ತು. ಇದು ಪ್ರೀತಿ ಮತ್ತು ಯುವ ಕ್ರಿಕೆಟಿಗ ನಡುವಿನ ಸಣ್ಣ ಮತ್ತು ಗೌರವಾನ್ವಿತ ಭೇಟಿಯನ್ನು ತೋರಿಸಿತ್ತು.

ವಿಡಿಯೋದಲ್ಲಿ, ಪ್ರೀತಿ ಮೊದಲು ರಾಜಸ್ಥಾನ್ ಆರಂಭಿಕ ಆಟಗಾರ ಯಶಸ್ವಿ ಜೈಸ್ವಾಲ್ ಅವರೊಂದಿಗೆ ಸಂಕ್ಷಿಪ್ತ ಮಾತುಕತೆ ನಡೆಸಿ ನಂತರ ಪಂಜಾಬ್ ಕಿಂಗ್ಸ್ ಆಟಗಾರ ಶಶಾಂಕ್ ಸಿಂಗ್ ಅವರನ್ನು ಭೇಟಿಯಾಗುತ್ತಾರೆ. ನಂತರ ಅವರು “ಅವನನ್ನು ಭೇಟಿಯಾಗೋಣ” ಎಂದು ಹೇಳಿ ವೈಭವ್ ಕಡೆಗೆ ಬೆರಳು ತೋರಿಸುತ್ತಾರೆ. ಇದಾದ ನಂತರ, ಪ್ರೀತಿ ಮತ್ತು ವೈಭವ್ ನಡುವೆ ಒಂದು ಸಣ್ಣ ಮಾತುಕತೆ ನಡೆಯುತ್ತದೆ, ಅದರಲ್ಲಿ ಇಬ್ಬರೂ ಕೈಕುಲುಕುತ್ತಾರೆ. ವೈರಲ್ ಆಗುತ್ತಿರುವ ಚಿತ್ರದಲ್ಲಿ ಇಬ್ಬರು ಅಪ್ಪಿಕೊಳ್ಳುತ್ತಿರುವುದನ್ನು ತೋರಿಸಲಾಗಿದೆ. ಈ ಸಂಭಾಷಣೆಯ ಸಮಯದಲ್ಲಿ “ಕೋಯಿ ಮಿಲ್ ಗಯಾ” ಹಾಡು ಹಾಕಿ ವೈರಲ್ ಮಾಡಲಾಗಿದೆ.