Virat Kohli: ಚೇಸಿಂಗ್​​ನಲ್ಲಿ ತಾವೇ ಕಿಂಗ್ ಎಂದು ಮತ್ತೆ ನಿರೂಪಿಸಿದ ವಿರಾಟ್! ಕೊಹ್ಲಿ ODI ಇತಿಹಾಸದಲ್ಲಿ ಈ ಮೈಲುಗಲ್ಲು ತಲುಪಿದ ಏಕೈಕ ಬ್ಯಾಟರ್ | Virat Kohli Makes History: First Batsman to Score 6000 Runs in Successful ODI Chases | ಕ್ರೀಡೆ

ಕೊನೆಯ ಪಂದ್ಯದಲ್ಲಿ ಭಾರತದ ಮೊದಲ ವಿಕೆಟ್ ಬಿದ್ದ ನಂತರ ಒಂದಾದ ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿ ನಡುವಿನ ಎರಡನೇ ವಿಕೆಟ್‌ಗೆ 168 ರನ್‌ಗಳ ಜೊತೆಯಾಟದ ಮೂಲಕ ಆಸೀಸ್ ವಿರುದ್ಧ ತಂಡವನ್ನ ಗೆಲುವಿನ ಗಡಿ ದಾಟಿಸಿದರು. ಈ ಜೊತೆಯಾಟ ಭಾರತದ ಚೇಸ್‌ನಲ್ಲಿ ದಾಖಲೆಯನ್ನ ಮತ್ತೊಮ್ಮೆ ಕ್ರಿಕೆಟ್ ಜಗತ್ತಿಗೆ ತೋರಿಸಿತು.

ನಾಯಕತ್ವದಿಂದ ದೂರವಿರುವ ನಡುವೆಯೂ ರೋಹಿತ್ ಶರ್ಮಾ, ಈ ಪಂದ್ಯದಲ್ಲಿ ಮ್ಯಾಚ್ ವಿನ್ನಿಂಗ್ ಶತಕದೊಂದಿಗೆ ಟೀಕಾಕಾರರ ಬಾಯಿ ಮುಚ್ಚಿಸಿದರು. 125 ಎಸೆತ್ಳಲ್ಲಿ 121 ರನ್‌ಗಳಿಸಿದ ರೋಹಿತ್, ಎರಡನೇ ಏಕದಿನ ಪಂದ್ಯದಲ್ಲು ಅರ್ಧ ಶತಕ ಸಿಡಿಸಿಡಿದ್ದರು. ಈ ಎರಡು ಪ್ರದರ್ಶನದಿಂದ ಸರಣಿಯಲ್ಲಿ ಗರಿಷ್ಟ ಸ್ಕೋರರ್ ಆಗಿ ಅವರು ಪ್ಲೇಯರ್ ಆಫ್ ದಿ ಮ್ಯಾಚ್ ಪ್ರಶಸ್ತಿಯನ್ನು ಗಳಿಸಿದರು. ರೋಹಿತ್‌ನ ಈ ಫಾರ್ಮ್ ಭಾರತದ ಓಪನಿಂಗ್‌ನಲ್ಲಿ ಸ್ಥಿರತೆಯನ್ನು ತಂದಿದ್ದು, ತಂಡದ ಗೆಲುವಿನಲ್ಲಿ ನಿರ್ಣಾಯಕ ಪಾತ್ರ ವಹಿಸಿದೆ.

ರನ್​ಮಷಿನ್, ಚೇಸಿಂಗ್ ಕಿಂಗ್ ಎನಿಸಿಕೊಂಡಿರುವ ಕೊಹ್ಲಿ ಮತ್ತೊಂದು ವಿಶ್ವದಾಖಲೆ ಬರೆದರು. ವಿರಾಟ್ ಏಕದಿನ ಕ್ರಿಕೆಟ್​​ನಲ್ಲಿ ಯಶಸ್ವಿ ಚೇಸ್‌ಗಳಲ್ಲಿ 6000 ರನ್‌ಗಳ ಗಡಿ ದಾಟಿದ ವಿಶ್ವದ ಮೊದಲ ಕ್ರಿಕೆಟರ್ ಎನಿಸಿಕೊಂಡರು. ಈಗಾಗಲೇ ಈ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದ್ದ ಕೊಹ್ಲಿ, ಈ ಇನ್ನಿಂಗ್ಸ್‌ನೊಂದಿಗೆ ತಮ್ಮ ಆಧಿಪತ್ಯವನ್ನು ಬಲಪಡಿಸಿದ್ದಾರೆ. ಈ ದಾಖಲೆಯು ಅವರ ಚೇಸ್ ಮ್ಯಾಸ್ಟರ್ ಎಂಬ ಹೆಗ್ಗಳಿಕೆಯನ್ನು ಇನ್ನಷ್ಟು ಗಟ್ಟಿಗೊಳಿಸಿದೆ. ಸಚಿನ್ ತೆಂಡೂಲ್ಕರ್ 5490 ರನ್‌ಗಳೊಂದಿಗೆ ಎರಡನೇ ಸ್ಥಾನದಲ್ಲಿದ್ದಾರೆ. ರೋಹಿತ್ ಶರ್ಮಾ 4701 ರನ್ಸ್, ರಿಕಿ ಪಾಂಟಿಂಗ್ 4186 ರನ್ಸ್, ಜಾಕ್ ಕಾಲೀಸ್ 3950 ರನ್ಸ್ ಸಿಡಿಸಿದ್ದಾರೆ.

ಯಶಸ್ವಿ ರನ್ ಚೇಸಿಂಗ್​ನಲ್ಲಿ ಹೆಚ್ಚು ರನ್ ಮಾತ್ರವಲ್ಲ ಹೆಚ್ಚು ಶತಕ ಸಿಡಿಸಿದ ವಿಶ್ವದಾಖಲೆ ಕೂಡ ವಿರಾಟ್ ಹೆಸರಿನಲ್ಲಿಯೇ ಇದೆ. ವಿರಾಟ್ ಚೇಸಿಂಗ್ ಮಾಡಿ ಭಾರತ ಗೆದ್ದ ಸಂದರ್ಭದಲ್ಲಿ 24 ಶತಕ ಸಿಡಿಸಿದ್ದಾರೆ. ಈ ಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿರುವ ಸಚಿನ್ ತೆಂಡೂಲ್ಕರ್ 14 ಶತಕ ಸಿಡಿಸಿದ್ದಾರೆ. ಹಿಟ್​ ಮ್ಯಾನ್ ರೋಹಿತ್ ಶರ್ಮಾ ಮೂರನೇ ಸ್ಥಾನದಲ್ಲಿದ್ದು, ಅವರು ಕೂಡ 14 ಶತಕ ಸಿಡಿಸಿದ್ದಾರೆ.