Wild Animals: ನಾಡಿಗೆ ಬಂದ ಕಾಡು ಪ್ರಾಣಿಗಳನ್ನು ಬೋನಿನಲ್ಲಿ ಹಿಡಿಯಲು ಅರಣ್ಯ ಇಲಾಖೆಯ ಸೂಪರ್‌ ಐಡಿಯಾ! | Dakshina Kannada forest department use this trick to trap wild animals

ಹಾಗೆಂದು ಖಾಲಿ ಬೋನನ್ನು ಇಟ್ಟಲ್ಲಿ ಕಾಡುಪ್ರಾಣಿಯಲ್ಲ, ನಾಡು ಪ್ರಾಣಿಯೂ ಅತ್ತ ಮೂಸಿ ನೋಡೋದಿಲ್ಲ. ಅದಕ್ಕಾಗಿ ಅರಣ್ಯ ಇಲಾಖೆ ಸಿಬ್ಬಂದಿ ಬೋನಿನಲ್ಲಿ ಆಯಾಯ ಪ್ರಾಣಿಗಳಿಗೆ ಅನುಗುಣವಾಗಿ ಆಹಾರವನ್ನು ಬೋನಿನಲ್ಲಿ ಇಡುತ್ತಾರೆ. ಅದರಲ್ಲಿ ಚಿರತೆಯನ್ನು ಹಿಡಿಯಲು ಅರಣ್ಯ ಇಲಾಖೆ ಸಾಮಾನ್ಯವಾಗಿ ಬಳಸೋದು ನಾಯಿಗಳನ್ನು. ಜೀವಂತ ನಾಯಿಗಳನ್ನು ಬೋನಿನಲ್ಲಿ ಇರಿಸಿ ಚಿರತೆಗಾಗಿ ಕಾಯಲಾಗುತ್ತದೆ. ನಾಯಿಗಳನ್ನು ಬೋನಿನಲ್ಲಿ ಇರಿಸುವುದಕ್ಕೆ ಪ್ರಾಣಿದಯಾ ಸಂಘಗಳ ಭಾರೀ ವಿರೋಧವಿದ್ದರೂ, ಅನಿವಾರ್ಯವಾಗಿ ಇಲಾಖೆ ಈ ಕಾರ್ಯವನ್ನು ಈ ಹಿಂದಿನಂತೆ ಮಾಡಿಕೊಂಡು ಬರುತ್ತಿದೆ.

ಇದನ್ನೂ ಓದಿ: Kolar: ಕೋಲಾರದಲ್ಲಿ ಅದ್ದೂರಿಯಾಗಿ ನಡೆದ ಶ್ರೀ ವಿರೂಪಾಕ್ಷಿ ಶ್ರೀ ಚೌಡೇಶ್ವರಿದೇವಿಯ ಬ್ರಹ್ಮ ರಥೋತ್ಸವ!

ಆದರೆ ನಾಯಿಯನ್ನು ಚಿರತೆ ಏನೂ ಮಾಡದ ರೀತಿಯಲ್ಲಿ ಬೋನಿನೊಳಗೆ ಇಡಲಾಗುತ್ತದೆ. ಇದಕ್ಕಾಗಿಯೇ ಬೋನಿನಲ್ಲಿ ಕೆಲವೊಂದು ವ್ಯವಸ್ಥೆಗಳನ್ನು ಮಾಡಲಾಗಿದ್ದು, ಎರಡು ವಿಭಾಗಗಳನ್ನು ಬೋನಿನಲ್ಲಿ ಮಾಡಲಾಗುತ್ತದೆ. ಒಂದು ಭಾಗದಲ್ಲಿ ನಾಯಿಗಳನ್ನು ಇರಿಸಿ, ಅದಕ್ಕೆ ಕಬ್ಬಿಣದ ಸಲಾಖೆಗಳನ್ನು ನಿರ್ಮಿಸಿ ಬೋನಿನೊಳಗೆ ನುಗ್ಗುವ ಚಿರತೆಗೆ ನಾಯಿಗಳನ್ನು ಕಾಣುವಂತೆ ಇರಿಸಲಾಗುತ್ತದೆ. ನಾಯಿಯ ವಾಸನೆಯನ್ನು ಹಿಡಿದ ತಕ್ಷಣವೇ ಬೋನು ಪ್ರವೇಶಿಸುವ ಚಿರತೆ, ನಾಯಿಗಳಿರುವ ಪಕ್ಕದಲ್ಲೇ ಇರುವ ಬೋನಿನ ಬಾಗಿಲು ಬೀಳುವಂತೆ ಸಿದ್ಧಪಡಿಸಲಾದ ಪ್ಲಾಟ್ ಫಾರ್ಮ್ ಗೆ ಕಾಲು ತಾಗಿದ ತಕ್ಷಣವೇ ಬೋನಿನ ಬಾಗಿಲು ಬಂದ್ ಆಗುತ್ತೆ.

ಬಾಗಿಲು ಬಂದ್ ಆದ ಬಳಿಕ ಬೋನಿನಿಂದ ಹೊರಬರೋದು ಚಿರತೆಗೆ ಸಾಧ್ಯವೇ ಆಗೋದಿಲ್ಲ. ಒಂದು ಕಡೆ ತನ್ನ ಪಕ್ಕದಲ್ಲೇ ಇರುವ ನಾಯಿಗಳನ್ನ ತಿನ್ನಲಾಗದೆ, ಇನ್ನೊಂದೆಡೆ ಬೋನಿನಿಂದ ಹೊರಬರಲಾರದೆ ಚಿರತೆ ಸುಲಭವಾಗಿ ಅರಣ್ಯ ಇಲಾಖೆಯ ಕೈಗೆ ಸಿಕ್ಕಿ ಬೀಳುತ್ತೆ. ಹೀಗೆ ಸಿಕ್ಕಿ ಬೀಳುವ ಚಿರತೆ ಅಥವಾ ಇತರ ಕಾಡುಪ್ರಾಣಿಗಳನ್ನು ಸುರಕ್ಷಿತ ಸ್ಥಳದಲ್ಲಿ ಬಿಡುವ ವ್ಯವಸ್ಥೆಯನ್ನು ಇಲಾಖೆ ಮಾಡುತ್ತೆ.