Wine Fest: ಕದ್ರಿ ಪಾರ್ಕ್‌ನಲ್ಲಿ ಜನ ಜಂಗುಳಿ, ಇದು ಪಕ್ಕಾ ನ್ಯೂ ಇಯರ್‌ ಸ್ಪೆಷಲ್‌ ಕಣ್ರೀ! | Mangaluru Kadri Park Wine Fair attracts crowds for purchase | ದಕ್ಷಿಣ ಕನ್ನಡ

ತರಹೇವಾರಿ ಬಾಟಲಿಗಳು, ವಿವಿಧ ಫ್ಲೇವರ್‌ಗಳ ವೈನ್‌ಗಳು, ಹಬ್ಬಕ್ಕೆ ಕಿಕ್ ನೀಡಿದ ಜನಗಳು. ಈ ದೃಶ್ಯ ಕಂಡು ಬಂದಿದ್ದು ಮಂಗಳೂರಿನ ಕದ್ರಿ ಪಾರ್ಕ್‌ನಲ್ಲಿ. ರತ್ನಾಸ್ ವೈನ್ ವೇಟ್, ಶೂಲನ್ ಗ್ರೂಪ್ ಮಂಗಳೂರು ಪ್ರಾಯೋಜಕತ್ವದಲ್ಲಿ ಮಂಗಳೂರಿನಲ್ಲಿ ಬೃಹತ್ ವೈನ್ ಮೇಳ ನಡೆದಿದೆ. ಕರ್ನಾಟಕ ದ್ರಾಕ್ಷಿ ಮತ್ತು ವೈನ್ ಬೋರ್ಡ್ ಹಾಗೂ ತೋಟಗಾರಿಕಾ ಇಲಾಖೆಯ ಸಹಯೋಗದೊಂದಿಗೆ ವೈನ್ ಮೇಳ ನಡೆದಿದೆ.

ರಾಜ್ಯ, ರಾಷ್ಟ್ರ ಹಾಗೂ ಅಂತರಾಷ್ಟ್ರೀಯ ಮಟ್ಟದ ಉತ್ಪನ್ನಗಳು, ಎಲ್ಲಾ ಕಂಪೆನಿಗಳ ಹೊಸ ಹೊಸ ಪಾನೀಯವನ್ನು ಈ ಸಂದರ್ಭದಲ್ಲಿ ಪ್ರದರ್ಶನ ಮಾಡಲಾಗಿದೆ. ಅಲ್ಲದೇ ದ್ರಾಕ್ಷಾರಸದ ಉಪಯೋಗಗಳು, ವೈನ್ ಸವಿಯುವ ಕ್ರಮದ ಬಗ್ಗೆಯೂ ಜನರಿಗೆ ವೈನ್ ಮೇಳದಲ್ಲಿ ಮಾಹಿತಿ ನೀಡಲಾಗಿದೆ.

ಕಳೆದ ವರ್ಷವೂ ವೈನ್ ಮೇಳಕ್ಕೆ ಮಂಗಳೂರಿಗರ ಅದ್ಭುತ ರೆಸ್ಪಾನ್ಸ್ ವ್ಯಕ್ತವಾಗಿತ್ತು. ಈ ಬಾರಿಯೂ ಜನ ವೈನ್ ಮೇಳದಲ್ಲಿ ಮುಗಿಬಿದ್ದು ವೈನ್ ಖರೀದಿಸಿದ್ದಾರೆ. ವೈನ್ ಖರೀದಿಗೂ ಮುನ್ನ ರುಚಿಯನ್ನು ಸವಿದು ಖರೀದಿ ಮಾಡಬಹುದಾದ ಅವಕಾಶವನ್ನೂ ನೀಡಲಾಗಿತ್ತು. ಹೀಗಾಗಿ ಜನರೂ ಎಲ್ಲಾ ವೈನ್‌ಗಳನ್ನು ಟೇಸ್ಟ್ ಮಾಡಿ ಇಷ್ಟವಾಗಿದ್ದನ್ನು ಖರೀದಿಸಿ‌ ಖುಷಿ ಪಟ್ಟರು.