Last Updated:
ಐಸಿಸಿ ಮಹಿಳಾ ಕ್ರಿಕೆಟ್ ವಿಶ್ವಕಪ್ 2025 ರ ಫೈನಲ್ ಪಂದ್ಯವು ನವೆಂಬರ್ 2 ರ ಭಾನುವಾರದಂದು ಭಾರತ ಮತ್ತು ದಕ್ಷಿಣ ಆಫ್ರಿಕಾ ನಡುವೆ ನಡೆಯಲಿದೆ. ಭಾರತ ತಂಡ ಆಸ್ಟ್ರೇಲಿಯಾ ತಂಡವನ್ನ ಮಣಿಸಿ ಫೈನಲ್ ಪ್ರವೇಶಿಸಿದರೆ, ದಕ್ಷಿಣ ಆಫ್ರಿಕಾ ತಂಡ ಇಂಗ್ಲೆಂಡ್ ಮಣಿಸಿ ಚೊಚ್ಚಲ ಬಾರಿಗೆ ಫೈನಲ್ ಪ್ರವೇಶಿಸಿದೆ.
ಐಸಿಸಿ ಮಹಿಳಾ ಕ್ರಿಕೆಟ್ ವಿಶ್ವಕಪ್ 2025ರ (women’s World Cup 2025) ಅಂತಿಮ ಪಂದ್ಯವು ನವೆಂಬರ್ 2ರ ಭಾನುವಾರದಂದು ಭಾರತ ಮತ್ತು ದಕ್ಷಿಣ ಆಫ್ರಿಕಾ (India vs South Africa) ನಡುವೆ ನಡೆಯಲಿದೆ. ಐಎನ್‌ಡಿಡಬ್ಲ್ಯೂ vs ಎಸ್‌ಎಡಬ್ಲ್ಯೂ ಫೈನಲ್ ಪಂದ್ಯವು ನವಿ ಮುಂಬೈನ ಡಿವೈ ಪಾಟೀಲ್ ಕ್ರೀಡಾಂಗಣದಲ್ಲಿ ನಡೆಯಲಿದೆ. ಇದು ಭಾರತದ ಮೂರನೇ ಐಸಿಸಿ ಮಹಿಳಾ ವಿಶ್ವಕಪ್ ಫೈನಲ್ ಆಗಿದೆ. ಈ ಹಿಂದೆ, ಟೀಮ್ ಇಂಡಿಯಾ 2005 ಮತ್ತು 2017 ರಲ್ಲಿ ಫೈನಲ್ ತಲುಪಿತ್ತು, ಆದರೆ ಪ್ರಶಸ್ತಿಯಿಂದ ವಂಚಿತವಾಯಿತು. ಈ ಆವೃತ್ತಿಯಲ್ಲಿ ಸ್ಮೃತಿ ಮಂಧಾನ ಮತ್ತು ದೀಪ್ತಿ ಶರ್ಮಾ ಇಬ್ಬರು ಆಟಗಾರ್ತಿಯರು ಭಾರತದ ಫೈನಲ್ ಹಾದಿಯಲ್ಲಿ ನಿರ್ಣಾಯಕ ಪಾತ್ರ ವಹಿಸಿದ್ದಾರೆ. ಇಬ್ಬರೂ ಟೂರ್ನಿಯಲ್ಲಿ ಭಾರತದ ಪರ ಅತಿ ಹೆಚ್ಚು ರನ್ ಗಳಿಸಿದವರು ಮತ್ತು ವಿಕೆಟ್ ಪಡೆದವರಾಗಿದ್ದಾರೆ. ಈ ಇಬ್ಬರಿಗೂ ಐಸಿಸಿ ಮಹಿಳಾ ಕ್ರಿಕೆಟ್ ವಿಶ್ವಕಪ್ 2025 ರ ಪ್ರಮುಖ ರನ್ ಗಳಿಸಿದವರು ಮತ್ತು ವಿಕೆಟ್ ಪಡೆದವರ ಪಟ್ಟಿಯಲ್ಲಿ ಅಗ್ರಸ್ಥಾನ ಪಡೆಯುವ ಅಂತಿಮ ಅವಕಾಶವಿದೆ.
ದಕ್ಷಿಣ ಆಫ್ರಿಕಾದ ನಾಯಕಿ ಮತ್ತು ಆರಂಭಿಕ ಬ್ಯಾಟ್ಸ್‌ಮನ್ ಲಾರಾ ವೋಲ್ವಾರ್ಟ್ ಐಸಿಸಿ ಮಹಿಳಾ ಕ್ರಿಕೆಟ್ ವಿಶ್ವಕಪ್ 2025ರಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ದಾಖಲೆಯನ್ನು ಹೊಂದಿದ್ದಾರೆ. ಅವರು ಇಲ್ಲಿಯವರೆಗೆ ಆಡಿದ ಎಂಟು ಪಂದ್ಯಗಳಲ್ಲಿ 67.14 ರ ಪ್ರಭಾವಶಾಲಿ ಸರಾಸರಿಯಲ್ಲಿ 470 ರನ್ ಗಳಿಸಿದ್ದಾರೆ. ಈ ವಿಶ್ವಕಪ್‌ನಲ್ಲಿ 400 ಕ್ಕೂ ಹೆಚ್ಚು ರನ್ ಗಳಿಸಿದ ಏಕೈಕ ಬ್ಯಾಟ್ಸ್‌ಮನ್ ಲಾರಾ ವೋಲ್ವಾರ್ಟ್. ಸ್ಮೃತಿ ಮಂಧಾನ 389 ರನ್‌ಗಳೊಂದಿಗೆ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದ್ದಾರೆ. ಮಂಧಾನ ಮತ್ತು ಲಾರಾ 81 ರನ್‌ಗಳ ಮುನ್ನಡೆ ಹೊಂದಿದ್ದಾರೆ. ಫೈನಲ್‌ನಲ್ಲಿ ವೊಲ್ವಾರ್ಡ್ ವಿಫಲವಾದರೆ, ಮಂಧಾನ ಅವರನ್ನು ಹಿಂದಿಕ್ಕಿ ಅಗ್ರಸ್ಥಾನಕ್ಕೇರುವ ಅವಕಾಶವಿದೆ.
ಲಾರಾ ವೋಲ್ವಾರ್ಡ್ಟ್ – 470
ಸ್ಮೃತಿ ಮಂಧಾನ – 389
ಆಶ್ಲೀ ಗಾರ್ಡ್ನರ್ – 328
ಪ್ರತಿಕಾ ರಾವಲ್ – 308
ಫೀಬೆ ಲಿಚ್‌ಫೀಲ್ಡ್ – 304
ಆಸ್ಟ್ರೇಲಿಯಾದ ಅನ್ನಾಬೆಲ್ ಸದರ್ಲ್ಯಾಂಡ್ ಮತ್ತು ಭಾರತದ ದೀಪ್ತಿ ಶರ್ಮಾ ಈ ವಿಶ್ವಕಪ್‌ನಲ್ಲಿ ಇದುವರೆಗೆ ತಲಾ 17 ವಿಕೆಟ್‌ಗಳನ್ನು ಪಡೆದಿದ್ದಾರೆ. ಆಸ್ಟ್ರೇಲಿಯಾ ಫೈನಲ್‌ಗೆ ಅವಕಾಶ ಕಳೆದುಕೊಂಡಿದೆ. ದೀಪ್ತಿ ಶರ್ಮಾ ನಂಬರ್ 1 ಬೌಲರ್ ಆಗುವ ಅವಕಾಶವನ್ನು ನೀಡಿತು. ದಕ್ಷಿಣ ಆಫ್ರಿಕಾ ವಿರುದ್ಧದ ಫೈನಲ್‌ನಲ್ಲಿ ದೀಪ್ತಿ ಒಂದು ವಿಕೆಟ್ ಪಡೆದರೆ, ಅವರು ಪಂದ್ಯಾವಳಿಯಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಆಟಗಾರ್ತಿಯಾಗುತ್ತಾರೆ.
ಅನ್ನಾಬೆಲ್ ಸದರ್ಲ್ಯಾಂಡ್ – 17
ದೀಪ್ತಿ ಶರ್ಮಾ – 17
ಸೋಫಿ ಎಕ್ಲೆಸ್ಟೋನ್ – 16
ಅಲಾನಾ ಕಿಂಗ್ – 13
ಶ್ರೀ ಚರಣಿ – 13
November 01, 2025 3:11 PM IST
Women’s World CUP: ಮಹಿಳಾ ವಿಶ್ವಕಪ್‌ನಲ್ಲಿ ಅತಿ ಹೆಚ್ಚು ರನ್, ವಿಕೆಟ್ ಪಡೆದ ಪ್ಲೇಯರ್ಸ್ ಇವರು! ಭಾರತೀಯರಿಗಿದೆ ನಂ.1 ಸ್ಥಾನಕ್ಕೇರುವ ಅವಕಾಶ