Women’s World Cup 2025: ಆಸ್ಟ್ರೇಲಿಯಾ ವಿರುದ್ಧದ ಸೆಮಿಫೈನಲ್‌ನಲ್ಲಿ ಮಂಧಾನ ಜೊತೆ ಆಡಲು ಲೇಡಿ ಸೆಹ್ವಾಗ್ ರೆಡಿ / Lady Sehwag Shefali Verma selected in Team India squad to replace injured Pratika Rawal for semi final against Australia | ಕ್ರೀಡೆ

ಬಾಂಗ್ಲಾದೇಶ ವಿರುದ್ಧದ ಕೊನೆಯ ಲೀಗ್ ಹಂತದ ಪಂದ್ಯದಲ್ಲಿ ಭಾರತ ತಂಡದ ಸ್ಟಾರ್ ಓಪನರ್ ಪ್ರತೀಕಾ ರಾವಲ್ ಫೀಲ್ಡಿಂಗ್ ಮಾಡುವಾಗ ಗಾಯಗೊಂಡಿದ್ದರು. ಪರಿಣಾಮ ಅವರು ಗಂಭೀರ ಗಾಯದಿಂದಾಗಿ ಟೂರ್ನಿಯೊಂದ ಹೊರಗುಳಿಬೇಕಾಯಿತು. ಈಗ ಪ್ರತೀಕಾ ಅವರ ಸ್ಥಾನ ಬದಲಿ ಆಟಗಾರನನ್ನು ಘೋಷಿಸಲಾಗಿದೆ. ಪ್ರತೀಕಾ ಸ್ಥಾನದಲ್ಲಿ ಸ್ಮೃತಿ ಮಂಧಾನ ಜೊತೆಗೆ ಇನ್ನಿಂಗ್ಸ್ ಆರಂಭಿಸಲು ಲೇಡಿ ಸೆಹ್ವಾಗ್ ರೆಡಿಯಾಗಿದ್ದಾರೆ.

ಪ್ರತಿಕಾ ರಾವಲ್ ಬದಲಿಗೆ ಲೇಡಿ ಸೆಹ್ವಾಗ್ ಖ್ಯಾತಿಯ ಸ್ಟಾರ್ ಓಪನರ್ ಶೆಫಾಲಿ ವರ್ಮಾ ಅವರನ್ನು ಆಯ್ಕೆ ಮಾಡಲಾಗಿದೆ. ಐಸಿಸಿ ಮಹಿಳಾ ಕ್ರಿಕೆಟ್ ವಿಶ್ವಕಪ್ 2025 ರಈವೆಂಟ್ ತಾಂತ್ರಿಕ ಸಮಿತಿಯು ಪ್ರತಿಕಾ ರಾವಲ್ ಬದಲಿಗೆ ಶೆಫಾಲಿ ವರ್ಮಾ ಅವರನ್ನು ಭಾರತ ತಂಡದಲ್ಲಿ ಸೇರಿಸಿಕೊಳ್ಳಲು ಅನುಮೋದನೆ ನೀಡಿದೆ.

ಟೂರ್ನಿಯೊಂದರಲ್ಲಿ ತಂಡದ ಆಟಗಾರ್ತಿಯೊಬ್ಬರು ಗಾಯಗೊಂಡು ಹೊರಗುಳಿದರೆ ಬದಲಿಗೆ ಆಟಗಾರ್ತಿಯನ್ನು ಸೇರಿಸಿಕೊಳ್ಳುವುದು ಸಾಮಾನ್ಯ. ಆದರೆ, ತಂಡದಲ್ಲಿ ಯಾವುದೇ ಆಟಗಾರ್ತಿಯನ್ನು ಸೇರಿಸಿಕೊಳ್ಳಲು ಈವೆಂಟ್ ತಾಂತ್ರಿಕ ಸಮಿತಿಯ ಅನುಮೋದನೆ ಅಗತ್ಯವಾಗಿದೆ. ಐಸಿಸಿ ಮಹಿಳಾ ಕ್ರಿಕೆಟ್ ವಿಶ್ವಕಪ್ 2025 ರ ಈವೆಂಟ್ ತಾಂತ್ರಿಕ ಸಮಿತಿಯಲ್ಲಿ ವಾಸಿಮ್ ಖಾನ್ (ಅಧ್ಯಕ್ಷರು, ಐಸಿಸಿ ಜನರಲ್ ಮ್ಯಾನೇಜರ್), ಗೌರವ್ ಸಕ್ಸೇನಾ (ಐಸಿಸಿ ಜನರಲ್ ಮ್ಯಾನೇಜರ್ – ಈವೆಂಟ್ಸ್ ಮತ್ತು ಕಾರ್ಪೊರೇಟ್ ಕಮ್ಯುನಿಕೇಷನ್ಸ್), ಅಬ್ಬೆ ಕುರುವಿಲ್ಲಾ (ಬಿಸಿಸಿಐ ಟೂರ್ನಮೆಂಟ್ ಡೈರೆಕ್ಟರ್) ಮತ್ತು ಮೆಲ್ ಜೋನ್ಸ್ (ಸ್ವತಂತ್ರ ನಾಮಿನಿ) ಇದ್ದಾರೆ.

21 ವರ್ಷದ ಶೆಫಾಲಿ ವರ್ಮಾ ಏಕದಿನ ಪಂದ್ಯಗಳಲ್ಲಿ ಅದ್ಭುತ ದಾಖಲೆ ಹೊಂದಿದ್ದಾರೆ. ಅವರು ಇಲ್ಲಿಯವರೆಗೆ 29 ಪಂದ್ಯಗಳಲ್ಲಿ 644 ರನ್ ಗಳಿಸಿದ್ದು, ನಾಲ್ಕು ಅರ್ಧಶತಕಗಳನ್ನು ಹೊಂದಿದ್ದಾರೆ. ಏಕದಿನ ಕ್ರಿಕೆಟ್​ನಲ್ಲಿ ಅವರ ಅತ್ಯುತ್ತಮ ಸ್ಕೋರ್ ಅಜೇಯ 71 ರನ್. ಶೆಫಾಲಿ ಕೊನೆಯ ಬಾರಿಗೆ ಒಂದು ವರ್ಷದ ಹಿಂದೆ ನ್ಯೂಜಿಲೆಂಡ್ ವಿರುದ್ಧ ತಮ್ಮ ಕೊನೆಯ ಏಕದಿನ ಪಂದ್ಯ ಆಡಿದ್ದರು. ಅಂದಿನಿಂದ ಅವರು ಭಾರತ ತಂಡದ ಭಾಗವಾಗಿಲ್ಲ. ಈಗ ಅವರು ಮತ್ತೊಮ್ಮೆ ಮೈದಾನಕ್ಕೆ ಮರಳಲು ಸಿದ್ಧರಾಗಿದ್ದಾರೆ.