Yemmekere Friends Circle: ಎಮ್ಮೆಕೆರೆ ಫ್ರೆಂಡ್ಸ್ ಸರ್ಕಲ್ ಹುಲಿವೇಷದ ಕರೆಯೋಲೆ ಸ್ಪೆಷಲ್! ಒಂದು ಪತ್ರಿಕೆಗೇ 600 ರೂಪಾಯಿ ಖರ್ಚು | yemmekere friends circle huli vesha team initiated special invitation card

ಹೌದು, ಹುಲಿವೇಷ ಇಳಿಸುವುದರಲ್ಲಿ 35 ವರ್ಷಗಳನ್ನು ಕಂಡಿರುವ ಎಮ್ಮೆಕೆರೆ ಫ್ರೆಂಡ್ಸ್ ಸರ್ಕಲ್ ತಂಡ ಭಾರೀ ಹೆಸರು ಮಾಡಿದ ತಂಡ. ಸದ್ಯ ತಂಡದಲ್ಲಿ ಉತ್ಸಾಹಿ ಯುವಕರುಗಳಿದ್ದು, ಸದಾ ವಿಭಿನ್ನ ಪ್ರಯೋಗಶೀಲತೆ ಮಾಡುತ್ತಿರುತ್ತಾರೆ. ಇದಕ್ಕಾಗಿಯೇ ಐದಾರು ತಿಂಗಳುಗಳಿಂದ ಶ್ರಮವಹಿಸುತ್ತಿರುತ್ತಾರೆ. ಈ ಬಾರಿ ತಂಡದ ಮುಖ್ಯಸ್ಥ ಅಮಿತ್ ರಾಜ್ ಅವರ ಮುತುವರ್ಜಿಯಿಂದ ಹುಲಿವೇಷದ ಕರೆಯೋಲೆಗಾಗಿ ವಿಶಿಷ್ಟ ಆಮಂತ್ರಣ ಪತ್ರಿಕೆ ಸಿದ್ದವಾಗಿದೆ. ಇದನ್ನು ತೆರೆದರೆ ಸಾಕು ಒಂದು ನಿಮಿಷಗಳ ಕಾಲ ಹುಲಿವೇಷದ ತಾಸೆ, ಟ್ರಂಪೆಟ್, ಡೋಲಿನ ನಿನಾದ ಕೇಳುತ್ತದೆ.

ತಾಸೆ-ಟ್ರಂಪೆಟ್-ಡೋಲಿನ ಮುದ್ರಿತ ದನಿ ರೆಕಾರ್ಡ್

ಹಿಂದೆ ಒಂದು ಸಲ ಕಂಡ ಬರ್ತ್ಡೇ ಗ್ರೀಟಿಂಗ್ ಮಾದರಿಯ ವಿಭಿನ್ನ ಆಮಂತ್ರಣ ಪತ್ರಿಕೆಯನ್ನು ಈ ಬಾರಿ ಮಾಡಬೇಕೆಂಬ ಚಿಂತನೆಯಿತ್ತು. ಆದರೆ ಅದಕ್ಕೆ ಬೇಕಾದ ಚಿಪ್‌ಗೆ ಹುಡುಕಾಟ ಅಷ್ಟೊಂದು ತ್ರಾಸದಾಯವಾಗಿತ್ತು. ಹುಡುಕಿ ಹುಡುಕಿ ಕೊನೆಗೆ ಮುಂಬೈಯಲ್ಲಿ ಈ ಚಿಪ್ ಸಿಕ್ಕಿದೆ. ಈ ಚಿಪ್‌ನೊಳಗಡೆ ಎಮ್ಮೆಕೆರೆ ತಂಡದ ತಾಸೆ-ಟ್ರಂಪೆಟ್-ಡೋಲಿನ ಮುದ್ರಿತ ದನಿಯನ್ನು ರೆಕಾರ್ಡ್ ಮಾಡಲಾಗಿದೆ. ಬೆಂಗಳೂರಿನಲ್ಲಿ ಆಮಂತ್ರಣ ಮುದ್ರಣದ ವೇಳೆ ಮುದ್ರಿತ ಚಿಪ್ ಅನ್ನು ಅದರೊಳಗಡೆ ಅಡಕಗೊಳಿಸಲಾಗಿದೆ. ಸಾಕಷ್ಟು ದೊಡ್ಡದೂ, ಆಕರ್ಷಕವಾಗಿಯೂ ಇರುವ ಈ ಆಮಂತ್ರಣ ಪತ್ರಿಕೆ ತಯಾರಿಗೆ ತಗುಲಿದ ಖರ್ಚು 600 ರೂ. ಆಗಿದೆ.

ಇದನ್ನೂ ಓದಿ: Dasara Dolls: ಮಲೆನಾಡಿನಲ್ಲಿ ಮೈಸೂರಿನ ಗೊಂಬೆ! ಚಿಕ್ಕಮಗಳೂರಿನ ಈ ಪುರೋಹಿತರ ಮನೆಯ ದಸರಾ ಗೊಂಬೆಗಳ ವಿಶೇಷವೇ ಬೇರೆ!

ಒಟ್ಟು ನೂರು ಆಮಂತ್ರಣ ಪತ್ರಿಕೆ ಸಿದ್ಧಪಡಿಸಲಾಗಿದ್ದು, ಬಹಳಷ್ಟು ಮಂದಿ ಇದರ ವಿಶಿಷ್ಟ ಮಾದರಿಗೆ ಮನಸೋತಿದ್ದು ಇದೆಯಂತೆ. ಇನ್ನಷ್ಟು ಮಂದಿ ವಿಐಪಿಗಳಿಗೆ ಈ ಆಮಂತ್ರಣ ಪತ್ರಿಕೆಗಳು ಕೊಡಬೇಕಿದ್ದು, ಆದರೆ ತಮ್ಮಲ್ಲಿಯೂ ಖಾಲಿಯಾಗಿದೆ ಎಂದು ಎಮ್ಮೆಕೆರೆ ಫ್ರೆಂಡ್ಸ್ ಸರ್ಕಲ್ ತಂಡದ ಅಮಿತ್ ರಾಜ್ ಹೇಳಿದ್ದಾರೆ.