ವಿವೋ ಇಂದು ತನ್ನ ಹೊಸ ಸ್ಮಾರ್ಟ್‌ಫೋನ್ ವಿವೋ ವಿ50 ಅನ್ನು ದೇಶಿಯ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. ಈ ಫೋನ್ ಪವರ್​ಫುಲ್​ ಬ್ಯಾಟರಿ ಹೊಂದಿದ್ದು, ಹಲವು AI ವೈಶಿಷ್ಟ್ಯಗಳಿವೆ.

VIVO V50 LAUNCHED IN INDIA : ಬಹಳದಿಂದ ಕಾಯುತ್ತಿದ್ದ ವಿವೋ ಹೊಸ ಸ್ಮಾರ್ಟ್​ಫೋನ್​ ಕೊನೆಗೂ ದೇಶಿಯ ಮಾರುಕಟ್ಟೆಗೆ ಲಗ್ಗೆಯಿಟ್ಟಿದೆ. ಕಂಪನಿಯು ಇಂದು ಮಧ್ಯಾಹ್ನ 12 ಗಂಟೆಗೆ ‘ವಿವೋ ವಿ50’ ಅನ್ನು ಬಿಡುಗಡೆ ಮಾಡಿತು. ಕಂಪನಿಯು ಇದನ್ನು ಸ್ಲಿಮ್ ಡಿಸೈನ್​, ಪೊರ್ಟ್ರೈಟ್​ ಪಿಕ್ಚರ್ಸ್​ ZEISS-ಬ್ರಾಂಡ್ ಕ್ಯಾಮರಾದೊಂದಿಗೆ ಪರಿಚಯಿಸಿದೆ. ಈ ವರ್ಷ ವಿವೋದಿಂದ ಬಂದ ವಿ-ಸೀರಿಸ್​ ಮೊದಲ ಡಿವೈಸ್​ ಇದಾಗಿದೆ. ಆದ್ರೆ ಕಂಪನಿಯು ತನ್ನ ಪ್ರೊ ವೆರಿಯಂಟ್​ಅನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡುತ್ತಿಲ್ಲ.

‘ವಿವೋ ವಿ50’ ಸ್ಮಾರ್ಟ್‌ಫೋನ್ ಇತ್ತೀಚೆಗೆ ನವೆಂಬರ್ 2024 ರಲ್ಲಿ ಚೀನಾದಲ್ಲಿ ಬಿಡುಗಡೆಯಾದ ‘ವಿವೋ ಎಸ್20’ ನ ರೀಬ್ರಾಂಡೆಡ್ ಆವೃತ್ತಿಯಾಗಿದೆ. ಈಗ ಕಂಪನಿಯು ಇದನ್ನು ಪ್ರೀಮಿಯಂ ಡಿಸೈನ್​ ಎಲಿಮೆಂಟ್ಸ್​, ಅಡ್ವಾನ್ಸ್ಡ್​ ಕ್ಯಾಮರಾಗಳು ಮತ್ತು ಪರ್ಸನಲ್ ಅಸಿಸ್ಟನ್ಸ್​ ಎಐ ಫೀಚರ್​ಗಳೊಂದಿಗೆ ದೇಶಿಯ ಮಾರುಕಟ್ಟೆಗೆ ತಂದಿದೆ.

ಈ ಫೋನ್ ಮಿಡಲ್​ ರೇಂಜ್​ ವಿಭಾಗದಲ್ಲಿ ಅಗ್ರಸ್ಥಾನದಲ್ಲಿರುತ್ತದೆ ಎಂದು ಕಂಪನಿ ಆಶಿಸುತ್ತದೆ. ಇದರ ಜೊತೆ ವಿವೋ ಈ ಸ್ಮಾರ್ಟ್‌ಫೋನ್‌ನಲ್ಲಿ ಲಾಂಚ್ ಆಫರ್‌ಗಳನ್ನು ಸಹ ಘೋಷಿಸಿದೆ. ಇದರ ಬೆಲೆ, ಸ್ಪೇಸಿಫಿಕೇಶನ್​ ಮತ್ತು ಆಫರ್​ಗಳು ಸೇರಿದಂತೆ ಇನ್ನಿತರ ವಿವರ ಈ ಕೆಳಗಿನಂತಿದೆ..

ಸ್ಮಾರ್ಟ್ ಎಐ ಫೀಚರ್ಸ್ ​: ಕಂಪನಿಯು ಇದನ್ನು ಸ್ಮಾರ್ಟ್ ಎಐ ವೈಶಿಷ್ಟ್ಯಗಳೊಂದಿಗೆ ತಂದಿದೆ. ಇದು ಗೂಗಲ್​ನೊಂದಿಗೆ ಸರ್ಕಲ್ ಟು ಸರ್ಚ್, ಲೈವ್ ಕಾಲ್ ಟ್ರಾನ್ಸ್‌ಲೇಷನ್, ಎಐ ಟ್ರಾನ್ಸ್‌ಸ್ಕ್ರಿಪ್ಟ್ ಅಸಿಸ್ಟ್ ಮತ್ತು ಎಐ ಸ್ಕ್ರೀನ್ ಟ್ರಾನ್ಸ್‌ಲೇಷನ್‌ನಂತಹ ಎಐ ವೈಶಿಷ್ಟ್ಯಗಳನ್ನು ಒಳಗೊಂಡಿದೆ.

ವಿವೋ ವಿ50 ಸ್ಪೇಸಿಫಿಕೇಶನ್​ಗಳು :

ಡಿಸ್‌ಪ್ಲೇ : ಈ ಫೋನ್ 6.77-ಇಂಚಿನ ಕ್ವಾಡ್-ಕರ್ವ್ಡ್ AMOLED ಸ್ಕ್ರೀನ್ ಜೊತೆಗೆ ಫುಲ್​ HD+ ರೆಸಲ್ಯೂಶನ್ (2392 x 1080 ಪಿಕ್ಸೆಲ್‌ಗಳು), 120Hz ವರೆಗೆ ರಿಫ್ರೆಶ್ ರೇಟ್​, P3 ವೈಡ್ ಕಲರ್ ಗ್ಯಾಮಟ್ ಮತ್ತು 4,500 nits ಲೋಕಲ್​ ಪೀಕ್ ಬ್ರೈಟ್‌ನೆಸ್ ಹೊಂದಿದೆ. ಇದಲ್ಲದೆ ವಿವೋ ಇದನ್ನು ಡೈಮಂಡ್ ಶೀಲ್ಡ್ ಗ್ಲಾಸ್ ಪ್ರೊಟೆಕ್ಷನ್​ ಜೊತೆ ತಂದಿದೆ. ಇದು ತನ್ನ ಹಿಂದಿನ ಶಾಟ್ ಗ್ಲಾಸ್‌ಗಿಂತ ಶೇಕಡಾ 50 ರಷ್ಟು ಹೆಚ್ಚು ಡ್ರಾಪ್​-ರೆಸಿಸ್ಟೆಂಟ್​ ಇದೆ ಎಂದು ಕಂಪನಿ ಹೇಳಿದೆ.

ಪ್ರೊಸೆಸರ್ : ಪ್ರೊಸೆಸರ್‌ಗಾಗಿ ಕಂಪನಿಯು ಈ ‘ವಿವೋ V50’ ಸ್ಮಾರ್ಟ್‌ಫೋನ್‌ನಲ್ಲಿ ಸ್ನಾಪ್‌ಡ್ರಾಗನ್ 7 ಜೆನ್ 3 ಚಿಪ್‌ಸೆಟ್ ಅನ್ನು ಒದಗಿಸಿದೆ.

ಸ್ಟೋರೇಜ್​ : ಇದನ್ನು 12GB ವರೆಗೆ LPDDR4X RAM ಮತ್ತು 512GB ವರೆಗೆ UFS 2.2 ಸ್ಟೋರೇಜ್​ನೊಂದಿಗೆ ವಿಸ್ತರಿಸಬಹುದು.

ಪ್ರೊಟೆಕ್ಷನ್ ​: ಈ ಡಿವೈಸ್​ ಡಸ್ಟ್​ ಆ್ಯಂಡ್​ ವಾಟರ್​ ರೆಸಿಸ್ಟೆನ್ಸಿ ಜೊತೆ IP68 ಮತ್ತು IP69 ರೇಟಿಂಗ್‌ಗಳೊಂದಿಗೆ ಬರುತ್ತದೆ.

ಕ್ಯಾಮೆರಾ ಸೆಟಪ್ : ಈ ಫೋನ್ ಡ್ಯುಯಲ್ ಕ್ಯಾಮರಾ ಸೆಟಪ್ ಹೊಂದಿದೆ. ಇದು OIS (ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಶನ್) ಹೊಂದಿರುವ 50MP ಪ್ರೈಮರಿ ರಿಯರ್​ ಸೆನ್ಸಾರ್​ ಮತ್ತು AF (ಆಟೋಫೋಕಸ್) ಹೊಂದಿರುವ 50MP ಅಲ್ಟ್ರಾ-ವೈಡ್ ಲೆನ್ಸ್ ಅನ್ನು ಹೊಂದಿದೆ. ಮುಖ್ಯವಾಗಿ ಈ ಎರಡೂ ಲೆನ್ಸ್‌ಗಳು 4K ವಿಡಿಯೋ ರೆಕಾರ್ಡಿಂಗ್ ಅನ್ನು ಸಪೋರ್ಟ್​ ಮಾಡುತ್ತವೆ. ಅಷ್ಟೇ ಅಲ್ಲದೇ ಈ ಫೋನ್​ನಲ್ಲಿ AF ಮತ್ತು 92-ಡಿಗ್ರಿ ಫೀಲ್ಡ್ ಆಫ್ ವ್ಯೂ ಹೊಂದಿರುವ 50MP ಸೆಲ್ಫಿ ಕ್ಯಾಮರಾ ಇದೆ. ಸಿನಿಮಾಟಿಕ್​ ಬ್ಲರ್​ ಜೊತೆ ಪೊರ್ಟ್ರೈಟ್​ ಶಾಟ್​ಗಳನ್ನು ಕ್ಯಾಪ್ಚರ್​ ಮಾಡುವುದಕ್ಕೆ ಏಳು ಕ್ಲಾಸಿಕ್ Zeiss-ಸ್ಟೈಲ್​ ಬೊಕೆ ಎಫೆಕ್ಟ್​ ಅನ್ನು ಒದಗಿಸುವುದಕ್ಕೆ ಕಂಪನಿ ಈ ಮೂರು ಲೆನ್ಸ್​ಗಳನ್ನು ZEISS ಕಂಪನಿಯೊಂದಿಗೆ ಪ್ರತ್ಯೇಕವಾಗಿ ವಿನ್ಯಾಸಗೊಳಿಸಿದೆ.

ಬ್ಯಾಟರಿ : ವಿವೋದ ಈ ಹೊಸ ವಿ-ಸೀರಿಸ್​ನ ಸ್ಮಾರ್ಟ್‌ಫೋನ್ 6000mAh ಬ್ಯಾಟರಿಯನ್ನು ಹೊಂದಿದೆ. ಇದು 90W ಫಾಸ್ಟ್​ ಚಾರ್ಜಿಂಗ್ ಅನ್ನು ಸಪೋರ್ಟ್​ ಮಾಡುತ್ತದೆ. ಈ ಬ್ಯಾಟರಿ ವಿಭಾಗದಲ್ಲಿ ಭಾರತದಲ್ಲಿ ವಿನ್ಯಾಸಗೊಳಿಸಲಾದ ಅತ್ಯಂತ ಸ್ಲಿಮ್​ ಡಿಸೈನ್​ ಸ್ಮಾರ್ಟ್‌ಫೋನ್ ಇದಾಗಿದೆ ಎಂದು ಕಂಪನಿ ಹೇಳಿಕೊಂಡಿದೆ.

ಆಪರೇಟಿಂಗ್ ಸಿಸ್ಟಮ್ : ಈ ಸ್ಮಾರ್ಟ್‌ಫೋನ್ ಆಂಡ್ರಾಯ್ಡ್ 15 ಆಧಾರಿತ ಫನ್‌ಟಚ್ ಒಎಸ್ 15 ನಲ್ಲಿ ಕಾರ್ಯನಿರ್ವಹಿಸುತ್ತದೆ.

ಇತರ ವೈಶಿಷ್ಟ್ಯಗಳು : ಇದು ಬ್ಲೂಟೂತ್ 5.4 ಕನೆಕ್ಟಿವಿಟಿ, ಇನ್-ಡಿಸ್​ಪ್ಲೇ ಫಿಂಗರ್‌ಪ್ರಿಂಟ್ ಸೆನ್ಸರ್‌ನೊಂದಿಗೆ ಬರುತ್ತದೆ.

ಕಲರ್​ ಆಪ್ಷನ್​ : ಈ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ರೋಸ್​ ರೆಡ್​, ಸ್ಟಾರೀ ನೈಟ್​ ಮತ್ತು ಟೈಟಾನಿಯಂ ಗ್ರೇ ಎಂಬ ಮೂರು ಕಲರ್​ಗಳ ಆಯ್ಕೆಗಳಲ್ಲಿ ಲಭ್ಯವಿದೆ.

ವಿವೋ ವಿ50 ವೆರಿಯಂಟ್ಸ್ ​: ಕಂಪನಿಯು ಇದನ್ನು 8GB RAM + 128GB ಸ್ಟೋರೇಜ್​, 8GB RAM + 256GB ಸ್ಟೋರೇಜ್ ಮತ್ತು 12GB RAM + 512GB ಸ್ಟೋರೇಜ್ ಎಂಬ ಮೂರು ರೂಪಾಂತರಗಳಲ್ಲಿ ಬಿಡುಗಡೆ ಮಾಡಿದೆ.

ವಿವೋ ವಿ50 ಬೆಲೆಗಳು :

• ‘ವಿವೋ ವಿ50’ 8 ಜಿಬಿ RAM + 128 ಜಿಬಿ ಸ್ಟೋರೇಜ್ ರೂಪಾಂತರದ ಬೆಲೆ: ರೂ. 34,999.
• ‘ವಿವೋ ವಿ50’ 8 ಜಿಬಿ RAM + 256 ಜಿಬಿ ಸ್ಟೋರೇಜ್ ರೂಪಾಂತರದ ಬೆಲೆ: ರೂ. 36,999.
• ‘ವಿವೋ ವಿ50’ 12GB RAM + 512GB ಸ್ಟೋರೇಜ್ ರೂಪಾಂತರದ ಬೆಲೆ: ರೂ. 40,999

ಲಾಂಚ್​ ಆಫರ್​ಗಳು : ಕಂಪನಿಯ ಬಿಡುಗಡೆ ಕೊಡುಗೆಯ ಭಾಗವಾಗಿ ‘ವಿವೋ V50’ ಜೊತೆಗೆ ‘ವಿವೋ TWS 3e’ ಇಯರ್‌ಬಡ್ಸ್​ 1,499 ರೂ.ಗಳಿಗೆ ರಿಯಾಯಿತಿಯಲ್ಲಿ ಲಭ್ಯವಿದೆ. ಹೆಚ್ಚುವರಿಯಾಗಿ, ಆಯ್ದ ಬ್ಯಾಂಕ್ ಕಾರ್ಡ್‌ಗಳನ್ನು ಬಳಸಿಕೊಂಡು ಈ ಹೊಸ ಸ್ಮಾರ್ಟ್‌ಫೋನ್ ಖರೀದಿಗೆ ವಿವೋ ಶೇಕಡಾ 10 ರಷ್ಟು ಕ್ಯಾಶ್‌ಬ್ಯಾಕ್ ಅಥವಾ ಶೇಕಡಾ 10 ರಷ್ಟು ಇನ್​ಸ್ಟಂಟ್​ ಡಿಸ್ಕೌಂಟ್​ ಸಹ ನೀಡುತ್ತಿದೆ. ಇದರ ಜೊತೆಗೆ, ಗ್ರಾಹಕರು ಈ ಹೊಸ ಸ್ಮಾರ್ಟ್‌ಫೋನ್ ಖರೀದಿಯ ಮೇಲೆ ಶೇಕಡಾ 10 ರಷ್ಟು ಕ್ಯಾಶ್‌ಬ್ಯಾಕ್ ಬೋನಸ್, ಆರು ತಿಂಗಳ ನೋ-ಕಾಸ್ಟ್ ಇಎಂಐ ಮತ್ತು ಒಂದು ವರ್ಷದ ಎಕ್ಸ್​ಟೆಂಡೆಡ್​ ವಾರಂಟಿ ಸಹ ಪಡೆಯಬಹುದು.

ಮಾರಾಟ : ವಿವೋದ ಈ ಹೊಸ ಸ್ಮಾರ್ಟ್‌ಫೋನ್‌ಗಾಗಿ ಪ್ರೀ-ಬುಕಿಂಗ್‌ಗಳು ಈಗ ಫ್ಲಿಪ್‌ಕಾರ್ಟ್, ಅಮೆಜಾನ್ ಮತ್ತು ಭಾರತದಲ್ಲಿ ಕಂಪನಿಯ ಅಧಿಕೃತ ಇ-ಕಾಮರ್ಸ್ ವೆಬ್‌ಸೈಟ್‌ನಲ್ಲಿ ತೆರೆದಿವೆ. ಇದು ರಿಲಯನ್ಸ್ ಡಿಜಿಟಲ್, ಕ್ರೋಮಾ, ವಿಜಯ್ ಸೇಲ್ಸ್, ಬಿಗ್ ಸಿ, ಲೊಟ್ಟೆ, ಬಜಾಜ್ ಎಲೆಕ್ಟ್ರಾನಿಕ್ಸ್ ಮತ್ತು ಇತರ ಪ್ರಮುಖ ರಿಟೇಲ್​ ಶಾಪ್​ಗಳಲ್ಲಿಯೂ ಮಾರಾಟಕ್ಕೆ ಲಭ್ಯವಿರುತ್ತದೆ. ಆದರೂ ಈ ಫೋನ್ ಫೆಬ್ರವರಿ 25 ರಿಂದ ಮಾರುಕಟ್ಟೆಯಲ್ಲಿ ಖರೀದಿಗೆ ಲಭ್ಯವಿರುತ್ತದೆ.