Dakshina Kannada: ಕುಕ್ಕೆ ಸುಬ್ರಹ್ಮಣ್ಯದಲ್ಲೊಂದು ನಾಗೋದ್ಯಾನ- ಇಲ್ಲಿವೆ ಸಾವಿರಕ್ಕೂ ಹೆಚ್ಚು ನಾಗರಹಾವುಗಳು! | A snake park in Kukke Subrahmanya – there are over a thousand cobras here!

ಹೌದು, ಇದು ನಾಗಕ್ಷೇತ್ರ ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನದ ಪಕ್ಕದಲ್ಲೇ ಇರುವ ನಾಗೋದ್ಯಾನ ಕುರಿತ ಸ್ಟೋರಿ. ಸುಮಾರು 4 ಎಕರೆ ಭೂ ಪ್ರದೇಶವನ್ನು ಹೊಂದಿರುವ ಈ ಜಾಗದಲ್ಲಿ ನಾಗನಿಗೆ‌ ಇಷ್ಟವಾದ ಸಂಪಿಗೆ, ನಾಗಸಂಪಿಗೆ, ನಾಗರಬೆತ್ತ ಸೇರಿದಂತೆ ಹಲವು ರೀತಿಯ ನೈಸರ್ಗಿಕ ಮರಗಳಿವೆ. ನಾಗೋದ್ಯಾನದ ಮಧ್ಯೆ ಅತ್ಯಂತ ಹಳೆಯ ಕಾಲದ ನಾಗನ ಕಟ್ಟೆಯೂ ಇದ್ದು, ಕುಕ್ಕೆ ಸುಬ್ರಹ್ಮಣ್ಯದ ಅರ್ಚಕರು ಪ್ರತೀ ದಿನ ಬೆಳಗ್ಗೆ ಬಂದು ಈ ಕಟ್ಟೆಯಲ್ಲಿ ದೀಪ ಹಚ್ಚಿ ತೆರಳುತ್ತಾರೆ. ನಾಗಗಳು ಮೊಟ್ಟೆ ಇಡಲು, ಸಂತಾನೋತ್ಪತ್ತಿ ಕ್ರಿಯೆ ನಡೆಸಲು ಅನುವಾಗುವಂತೆ ಈ ಪ್ರದೇಶವನ್ನು ಮೀಸಲಿಡಲಾಗಿದೆ. ನಾಗಗಳಿಗೆ ಬೇಕಾದ ನೀರಿನ ವ್ಯವಸ್ಥೆಗಾಗಿ ಈ ಪ್ರದೇಶದಲ್ಲಿ ಅಡಿಕೆ ಮರಗಳನ್ನು ಬೆಳೆಯಲಾಗಿದೆ. ಆ ಮರಗಳಿಗೆ ಹಾಕಲು ಬೇಕಾದ ನೀರಿನ ಜೊತೆಗೆ‌ ನಾಗಗಳಿಗೂ ನೀರಿನ ವ್ಯವಸ್ಥೆ ಕಲ್ಪಿಸಲಾಗಿದೆ.

ಇದನ್ನೂ ಓದಿ: Social Service: ಸಕ್ಕರೆನಾಡು ಮಂಡ್ಯದಲ್ಲಿದ್ದಾರೆ ಭಿಕ್ಷುಕರ ಬ್ಯೂಟಿಷಿಯನ್- ಈಕೆ ನಿರ್ಗತಿಕರ ಪಾಲಿನ ವರ!

ದೇವಸ್ಥಾನದ ಅರ್ಚಕರಲ್ಲದೆ ಈ ಉದ್ಯಾನದ ಒಳಗೆ ಯಾರಿಗೂ ಪ್ರವೇಶವಿಲ್ಲ. ಆದರೆ ಈ ಭಾಗದಲ್ಲಿ ಹೆಚ್ಚಿನ ಸಂಖ್ಯೆಯ ನಾಗರಹಾವುಗಳಿದ್ದು,ಇವುಗಳು ಕೆಲವು ಸಂದರ್ಭಗಳಲ್ಲಿ ಕಾಡು ಬಿಟ್ಟು ಹೊರಗೆ ಬರುತ್ತವೆ. ಈ ಸಮಯದಲ್ಲಿ ಇವುಗಳು ಪಕ್ಕದ ಮನೆಗಳಿಗೆ, ಅಂಗಡಿಗಳಿಗೆ ನುಗ್ಗುತ್ತಿವೆ. ಇವುಗಳನ್ನು ಮತ್ತೆ ಅದೇ ಪ್ರದೇಶಕ್ಕೆ ಬಿಡುವುದಕ್ಕಾಗಿ ಹಾವು ಹಿಡಿಯುವ ವ್ಯಕ್ತಿಗಳಿಗೆ ಇಲ್ಲಿಗೆ ತೆರಳಲು ಅವಕಾಶವನ್ನು ಕಲ್ಪಿಸಲಾಗಿದೆ. ಸುಬ್ರಹ್ಮಣ್ಯ ಆಸುಪಾಸು ಯಾವ ಭಾಗದಲ್ಲಿ ನಾಗರಹಾವುಗಳು ಕಂಡು ಬಂದರೂ , ಅವುಗಳನ್ನು ಇದೇ ಜಾಗದಲ್ಲಿ ಬಿಡಲಾಗುತ್ತದೆ. ಇದೇ ಕಾರಣಕ್ಕೆ ಈ ನಾಗೋದ್ಯಾನದಲ್ಲಿ ಸಾವಿರಾರು ಸಂಖ್ಯೆಯ ನಾಗರಹಾವುಗಳಿದ್ದು, ಇವುಗಳು ಈ ಪ್ರದೇಶವನ್ನು ಬಿಟ್ಟು ಕೆಲವೊಮ್ಮೆ ಮಾತ್ರ ಹೊರಗೆ ಬರುತ್ತವೆ.

ಮಳೆಗಾಲದಲ್ಲಿ ಮತ್ತು ಸಂಗಾತಿಯ ಹುಡುಕಾಟದ ಸಂದರ್ಭದಲ್ಲಿ ನಾಗರಹಾವುಗಳು ಈ ಪ್ರದೇಶದಿಂದ ಇತರ ಕಡೆಗಳಿಗೆ ಸಂಚರಿಸುತ್ತದೆ. ಬೇಸಿಗೆಯ ಬಿಸಿಲಿಗೆ ಇವುಗಳು ಇಲ್ಲಿರುವ ಪೊಟರೆಗಳಲ್ಲಿ ವಿಶ್ರಮಿಸುತ್ತವೆ. ಕ್ಷೇತ್ರದ ಸುತ್ತಲೂ ಹಲವು ಅಭಿವೃದ್ಧಿ ಕಾಮಗಾರಿಗಳು ನಡೆದರೂ, ನಾಗಗಳಿರುವ ಈ ಪ್ರದೇಶವನ್ನು ಹಾಗೆಯೇ ಸಂರಕ್ಷಿಸಿಕೊಂಡು ಬರಲಾಗಿದೆ.